كرسى الاعتراف

سؤالك جميل يانيس بس طويل
وطبعا مافيش اى عضو يقدر يمسح سؤاله وان مسحه انا حرجعه تانى
اوكشن


سؤالى بقى
من تلت حتت
الاولى

لو واحد جه وقالك بحبك تعملى ايه
وفى نفس الوقت انتى بتحبى واحد ومش معبرك ( سورى فى اللفظ )


التانية
وايه هو معنى الحب من وجهة نظرك


التالته
انتى عندك اخوات؟ ايه اساميهم وفى سنة كم وعمرهم قد ايه


سورى سؤالى طويل ياللا بقى جاوبى

اية الاسئلة دي ياجماعة هههههههههههه شكلها اساسا مش
هتدخل تجاوب خالص وياريت متقعدونيش علي كرسي الاعتراف دة
ابدا ماشي ياجماعة انا مش عارف اسال اية تاني لانكوا خدتوا الاسئلة كلها بس عشان خاطر عاشقة بس هسال سوال لولبي شوية

سوووووووالي :
هاتي صفات الانسان اللي نفسك تحبية او حبتية ؟
وكمان لو حد بيكلمك وبيحبك وطلع بيكلم حد تاني تعملي اية ؟
ولو انتي عكستي الموقف دة يبقي هوا يعمل اية ومش لازم عليكي انا بتكلم علي البنت عموما ؟
تحياتي barakat

ايه الاسئله دى
حرام عليكو
بس انا هجاوب متخافوش
همسك الاسئله بالترتيب
نيجى لاول سؤال
سؤال نيو

انا مش عارفه اتكلم عن نفسى من ناحيه ايه بالضبط بس انا هتكلم عن الشخصيه بس اوكشن
انا عنديه جدا وحنينه جدا ولما بحب بحب اوى ولما بكره بكره اوى
بحب اصحابى جدا وخصوصا ده عمرى .احيانا بزعل الناس منى بس ده مش بيبقى قصدى
انا طيبه جدا وساذجه جدا وخجوله جدا جدا جدا ممكن اصدق اى حاجه بتتقال ليه علشان دايما مصدومه فى حياتى ومن اقرب الناس ليه كمان
والله انا مش بشكر فى نفسى لحسن حد يفتكر كده ده انا بحث دايما انى مليانه عيوب ومش عارفه اصلحها

نيجى بقى لسؤال لؤلؤه
مفهومى عن الجمال هو
البراءه والنقاء والصدق والوفاء والاخلاص والبساطه
مش جمال الشكل
واحلى ما فى الكون جمال الطبيعه

اما بقى سؤال ده عمرى مع انى المفروض اصلا مجاوبش عليه
انا طبعا بحث كتير بالخنقه لانى رومانسيه اول حاجه بقعد مع نفسى ومش بحب اتكلم مع حد خالص بس اول حد بتكلم معاه بعد كده هو انتى طبعا ولو انتى مش موجوده كان هيبقى فى صاحبه تانيه اكيد
بس طبعا انا مستحيل احبها قدك يا عمرى

اما بقى سؤال نيس
انا مش مرتبطه خالص
ومش بقتنع بحب النت
لانه مش كافى انه يقرب الناس من بعض وبعدين اصلا كله كدب فى كدب
يعنى مثلا انتو مش متاكدين ان الكلام اللى بقولو صح ولا ايه
بس والله انا صادقه فى كل كلمه بكتبها
وكمان انت بتبقى حاطط للواحد صوره فى خيالك وبعدين تتصدم فى التعامل فى اول موضوع
اما بقى لو هختار حد فى المنتدى فانا معلش مش هجاوب على الجزئيه دى علشلن بس الاحراج
وبعدين كل اللى فى المنتدى زى اخواتى

اما بقى سؤال ميدو
بص بقى انا اصلا مش هحب واحد مش بيحبنى او مش معبرنى
بس لو حصل كده وحد تانى جه قالى انه بيحبنى
فانا مش هستجيب ليه خالص حتى ولو كان حد كويس جدا لانى كده هكون بظلمه يعنى هبقى معاه وبفكر فى حد تانى ودى اسمها خيانه
وهفضل انا كده بحب التنى لحد ما يجى حد تانى يقدر ينسيهولى
الحب بقى من وجهه نظرى
الحب هو الامان والتضحيه ان يكون الشخص اللى بتحبه اغلى من نفسك ومن كل الحياه
الحب هوالاخلاص
كل شئ جميل فى الدنيا لو رجعت لاصله هتلاقى اصله الحب
انا مش عارفه اقول كل حلجه عن الحب لانى مش جى الكلام فى دماغى دلوقتى
بس اوعدك انى هكتب قصيده عن معنى الحب واديهالك
بص انا معنديش غير اخ واحد اكبر منى هو فى ثالثه هندسه وعنده 21سنه
وبجد بحبه اوى وبشوف معنى الحب اللى بجد فيه

نيجى بقى لسؤال احمد
صفات الانسان اللى نفسى احبه انه يكون راجل جدا
وعايزاه يكون سى السيد
يعنى غيور جدا يمشى كلمته عليا
اصل انا مش ينفع معايا غير سى السيد لانى عنديه جدا
وفى نفس الوقت يكون حنين عليا جدا وبيحبنى اكتر من نفسه
احس انى مصدر الامان ليه
كل اسراره معايه
وكمان يكون طيب بس مش بهبل
واهم حاجه عندى انه يكون بيعرف يتحمل مسؤليه
اما منحيث الشكل فأنا بحب الشكل الجميل
بس لو فيه الصفات دى وشكله مقبول عادى مفيش مشكله
اما عن الجزئيه التانيه
انا اكتر حاجه اكرها فى حياتى الخيانه من الولد او البنت
بس الولد بيكون ارحم شويه بس فى كلتا الحالتين خيانه
لو حد خانى انا مش عارفه ساعتها انا ممكن اعمل ايه بس انا ممكن اسامح لو بحبه اوى وكمان بشروط واسلوب الحياه معاه هيتغير
يعنى مش هيبقى ساعتها فى ثقه
انا اقصد الخيانه انه يكون بيحبنى وفى نفس الوقت بيحب حد تانى معاياه
اما يعنى لو بيكلم بنات كده
انا هعمل نفسى مش واخده بالى
اصل كل الشباب كده
اما الخيانه من البنت مرفوضه تماما
يعنى مفيهاش سماح
لا يعنى كده تبقى اخلاقها يعنى مش اوى

انا سؤالى السابع صح؟؟؟

انا بقول ان ده ممكن اصعب سؤال ممكن حد يسأله ليكى فى المنتدى
بس بما اننا فى كرسى اعتراف فلازم تجاوبى
انتى اسمك ايه الحقيقى وساكنة فين
قصدى لو من اسكندرية تقولى منين منها
ولو من القاهرة برضه منين منها
او من اى بلد تانية

ماعلش بس محتاجة اعرف اسمك لانك عجبانى بردودك وموضوعاتك

بجد يا دعاء انتى سؤالك محرج اوى
ممكن تغيرى السؤال بعد ازنك
وانا اوعدك انى هبعتلك الاجابه على رساله خاصه
ماشى يا جميل

الحمد لله
شكلكم مستنينى عشان اسال عاشقة السؤال الاخير

سؤالى
انتى عايزة تحبى ولا لا
ولو حبيتى ولد عايزاه فى سنك ولا اكبر منك وان كان اكبر منك حددى السنوات
ونتى اصلا عندك استعداد تحبى

بعد سؤال عاشقه يبقى انتهى دورها فى كرسى الاعتراف
و لازم حد حيقعد على الكرسى
وحيكون ولد زى ترتيب الكرسى ما بيقول

واللى حيقعد على الكرسى حنعرفه بعد اجابه عاشقه انشاء الله على السؤال الاخير دا

يالا يا عاقه بقى عاوزين حد يقعد على الكرسى

مفيش حد مش عاوز يحب
اكيد نفس احب حب حقيقى
مش هتفرق معايا ان كان قدى او اكبر منى
المهم انه يكون بيحبنى وبيعرف يتخمل مسؤليه بس

كده يا نيس الاسئلة خلصت
وميرسى ليكى ياعاشقة
شكلك استويتى
صح؟؟؟؟
ربنا يكون فى عونك
يالللا يا نيس مين اللى عليه الدور من الولاد

لا بالعكس يا ميدو
الاسئله كانت جميله
واسئله بجد مش هزار
انا انبسط اوى لانى قولت كل حاجه بصراحه
ثانكس

اوك يا ميدو
اللى عليه الدور انه يقعد على الكرسى هو انا


نيس اللى عى كرسى الاعتراف
الاسئله تبتدى من بكره
انشاء الله

ماشى يا نيس اوكى

اشطات عليكم انا بقي مكتوب عليا اسأل اول واحد

بص يا نيس انا مش هتعبك معايا متقلقش

بص يا سيدي بص كويس

اكتب خمس سطور تعرفلنا نفسك فيهم

يلا يا عم ربنا معاك في باقي الاسئلة لانك ( هتطحن ) اسئلة

سؤالى يا نيس
كم مرة حبيت
وكم مرة فيهم حبيت بجد

سؤااااااااالى انا بقى يا نيس يا جامد اخر حاجه
هههههههههه
انت هتطلع من هنا نيس المهيس المتبهدل اخر حاجه
ماعلينا......
هسئلك سؤال معروف
لما بتبقى تعبان او مش عارف تاخد قرار او لما الدنيا بتضيق عليك ومابتبقاش عارف تفكر فى اى حاجة بتروح لمين؟؟وليه الحد ده بالذات؟؟
ولو فعلا حصل كده كانت ايه المشكله او الموضوع ده؟؟

امممممممممم
هو انا ينفع اسئل سؤال تانى
هههههههه

انا سؤالى من جزئيتين
الاول
لو معاك ثلاث وردات
ورده بيضه وورده حمره وورده صفره
الرده البيضه
هتديها لحد قدوه ليك
والورده الحمره لحد بتحبه
والرده الصفره لحد مش بتحبه بس بتغير عليه
ها قول بقى هتديهم لمين بالاسامى

الثانى
انت حبيت حد اوى وجرحك لدرجه انك فكرت فى الانتقام منه
ولو حصل كده احكى القصه كلها

احم احم
الاول السؤال بتاع نيو او رجل المستحيل ماشى يا ريس
السؤال ؟؟؟
بص يا نيس انا مش هتعبك معايا متقلقش

بص يا سيدي بص كويس

اكتب خمس سطور تعرفلنا نفسك فيهم


اوك



انا يا ريس اسمى الحقيقى مؤمن انا 17سنه من البحيره انسان مش عادى قوى بموت فى التهيس والضحك بس كتير ببقى مخنوق واطلع خنقتى ضحك عشان مش بحب حد يلاحظ عليا حاجه عشان مش بحب ابان ضعيف شخصيتىقويه بس مع ناس ناس بحب حاجات كتير قوى وهواياتى كتير زى الصيد والتاليف والتلحين السيط والكوره قليل

وجايب 63

اوك يا مان

يسلموووووووووووووو

سؤالى ليك يا نيس
ما واقع هذه الكلمات في نفسك(الصداقة-الكراهية-الحياة-الموت-الدموع) ؟؟

بص ياعم نيس بقى

امتى تنزل منك اغلى دمعة ؟؟؟؟؟

***

سوالي بقي وتاكد انك هتفكر فية كتير قبل ماتجاوب
حب النت بالنسبة ليك اية هوا ؟
ولو مفيش تتمني يكون مين معاك ؟
ولو فية اتكلم عنها في سطرين ؟
وكمان حاجة الله يكرمك :
فيك صفة الغدر والخيانة ولا لا ؟ ولا فيو بتعملها امتي ؟ لو مفيش يبقي لو هتعملها هتعملها في مين او لية ؟