كرسى الاعتراف

ميدو بيكهام كتب:: سورى ان ضايقتك وربنا يعينك على الاسئلة الباقية

لا والله مدايقتش يا ميدو بس انت عارف الحكايات دي الواحد ما بيصدق ينسى

وبعدين انا مش هلاقي حد يرخم عليا زيك وانت عارف انك اخويا الصغير مش صغير قوي يعني مفيش فرق كبير بينا

على العموم معتقدش ان هيبقي في اسئلة تانية صعبة

سووووووووووالي لنيو

هات اسم واحد لاكتر عضو حاسس انك قريب من تفكيرة ونفسك تقابلوا بجد
وهات اسم عضوة ليها معزة عندك ونفسك تكلمها كاصحاب اوووووووي ولازم تجاوب

fawzy ali gad كتب:: سووووووووووالي لنيو

هات اسم واحد لاكتر عضو حاسس انك قريب من تفكيرة ونفسك تقابلوا بجد
وهات اسم عضوة ليها معزة عندك ونفسك تكلمها كاصحاب اوووووووي ولازم تجاوب

اوكي يا فوزي هجاوب

اجابة سؤال الاول هو ميدو وان شاء الله هقابله قريب واحمد بركات بردو ويارب اشوفه

اما سؤالك التاني فهي ده عمري حاسس انها زي اختي وفيها صفات كتيرة منها

هاى نيو انا سؤالى محرج من نظرى بس لازم توافق عليه وتكون كلمة واحدة و بس
اوكى؟

هو كم نقطة بس فى سؤال واحد ولزم تكتب حاجة واحدة بس
اوكى؟
وياريت محدش من الاعضاء يزعل من سؤالى بس احنا فى الاول والاخر اخوات ودى تخيلات
اوكى؟

الحتة الاولى

عضوة بتتمناها اختك فى الحقيقة
عضوة بتتمناها فارسة احلامك
عضوة نفسك تتكلم معاها
عضوة نفسك تشوفها
عضوة بتحب اسمها المستعار ونفسك تعرفه

الحتة التانية

عضو تتمنى انه يكون اخوك فى الحقيقة
عضو بتتمنى انه يكون البيست فريند ليك
عضو نفسك تتكلم معاه
عضو نفسك تشوفه
عضو يعجبك اسمه المستعار ونفسك تعرف

التالتة والاخيرة
اختار اسماء 10 اعضاء ولاد وبنات وحط ليهم القاب يعنى نيك نايم

اوكى يا نيو ؟
متزعلش من السؤال ده كرسى اعتراف

ربنا يقويك
انا سؤااااااااالى يارب يكون سهل شوية
عندك كام صديق ؟يعنى كام شخص قريب منك جدا؟
ولاى مدى علاقتك بتكون معاهم؟
هل حصل فى يوم ان خانك صاحبك؟او كدب عليك وعملك مشكله؟ولو حصل احكى الموقف بالتفصيل الممل هههههههه ؟
اه صحيح
واسرارك كلها مع مين؟ والحد اللى معاه اسرارك يستاهل بجد انه يحتفظ بيها وانك تقولوا عليها؟ وازاى كسب ثقتك ؟
ده سؤالى

سؤالك صعب جدا يا دعاء والله

ورغم كدا هجاوبك عليه بس زي ما قولتي
ياريت محدش من الاعضاء يزعل من الاجابة احنا فى الاول والاخر اخوات ودى تخيلات
اوكى؟

الحتة الاولى

عضوة بتتمناها اختك فى الحقيقة

ولاء

عضوة بتتمناها فارسة احلامك

معتقدش ان في حد اقدر اقوله عليه كدا لاني معرفش اي حد فيهم عن قرب صعب اني احكم

عضوة نفسك تتكلم معاها

ده عمري

عضوة نفسك تشوفها

ولاء بردو لانها معايا في نفس الكلية هي وميدو

عضوة بتحب اسمها المستعار ونفسك تعرفه

السندريلا عاجبني اسمها المستعار

الحتة التانية

عضو تتمنى انه يكون اخوك فى الحقيقة

ميدو

عضو بتتمنى انه يكون البيست فريند ليك

احمد محمد بركات

عضو نفسك تتكلم معاه

كود زيرو

عضو نفسك تشوفه

ميدو

عضو يعجبك اسمه المستعار ونفسك تعرف

نيس

التالتة والاخيرة
اختار اسماء 10 اعضاء ولاد وبنات وحط ليهم القاب يعنى نيك نايم

1- ميدو ...............beckham lover

2- ده عمري ...............nice girl

3- لؤلؤة ............... young girl

4- كود زيرو ...............genius man

5- احمد بركات ...............the legend of laugh

6- ولاء ............... the sad girl

7- نيس ............... man have a nice feeling

8- دودو ...............perfect in choice

9- نادر ...............funny man

10- دعاء ...............girl with nice mind

بصي يا ستي انا جاوبت على الاسئلة اهوه اي خدمة

ومش عايز حد يزعل مني يا جماعة انتوا شايفين الاحراج يعني

عندك كام صديق ؟يعنى كام شخص قريب منك جدا؟

واحد والتاني في السكة

ولاى مدى علاقتك بتكون معاهم؟

من غير حدود ( بس يعني في حاجات فيها ستوب ومعروفة )

هل حصل فى يوم ان خانك صاحبك؟او كدب عليك وعملك مشكله؟ولو حصل احكى الموقف بالتفصيل الممل هههههههه ؟

محصلش الحمدلله

واسرارك كلها مع مين؟ والحد اللى معاه اسرارك يستاهل بجد انه يحتفظ بيها وانك تقولوا عليها؟ وازاى كسب ثقتك ؟

اسراري معظمها مع صاحبي ،،، اكيد طبعا يستاهل ،،، واحد عايش معاها اكتر من 15 سنة اكيد لازم يستحق ثقتي

سؤالى انا بقى يا نيو
سؤال جامد جامد جامد
وصعب اوووووووووووووووووووووووووووووى

السؤال كاتاتى ::::
لما الكوسة تعمل عيد ميلادها تفتكر هتعزم مين ؟؟
ههههههههههههههه
سؤال صعب اوووى مش كدة بص بقى لازم تحدد هى هتعزم مين
هتعزم الخضرار وبالاسامى ولا الفاكهة وبالاسامى
وربنا معاك بقى فى اجابة السؤال دة الصعب اوى
وبقية الاسئلة
اختك لؤلؤة او young girl

انتي بتهزري بقي يا لؤلؤة على العموم كويس اخر سؤال تقريبا وخلينا نفرفش شوية

اقولك بقى يا ستي بما ان الكوسة من الخضار فالاقرب انها تعزم الخضار

وطبعا الكوسة اقرب حد ليها الطماطم فلازم تكون اول المعازيم

وبعدين الكوسة قريبة الخيار فاكيد هتعزمه بردو

والحفلة متحلاش من غير الجرجير طبعا

ويا سلام بقي تخيلي الدعوة لما توصل كدا للبطيخ هتقوليلي البطيخ مش خضار هقولك غلط

يلا كفاية كدا عشان الحفلة برايفت شوية وع الضيق

وربنا يشيفيني من الهبل اللي كتبته وربنا يسامحك يا لؤلؤة

تصدق انا زعلانة منك اوووى علشان الراجل
اللى واقف على قسم الخضار فى السوبر ماركت
زعلان وبيقول لاجتلى دعوة ولا حتى حد كلمنى فى التليفون
مع انى معاشر الكوسة من اول ما اتولدت لحد دلوقتى
وقال كمان ربنا يسامحها وانشاء الله اشوفها السنة الجاية
فى حلة محشى كبيييييييييييييييييييييييييييييييييييييييييييييييييييرة

سورى يا جماعه على التاخير انا وميدو بس كان فى ظروف كدا
المهم دلوقتى اللى على الكرسى الاسبوع دا هى

**walaa**

يارب بقى نتوصى باختنا لولا

يسلموووووووووووو

هاي ازيك يا لولو
سؤالي ليكي يا لولو بيقول؟؟؟
انتي بتحبي حاليا ولو مش بتحبي تتمني اللي تحبيه يكون مواصفاته ايه ؟!

سؤالي انا بقي مفتوح كالعادة

اتكلمي عن نفسك في خمس سطور قولي اللي في نفسك يعني

سؤالى انا بقى

انتى ليه عايشه الحزن على طول???

وليه مش حابه تغيرى المود دا ؟؟؟ وتشوفى انك ممكن تلقى ف مد تانى غيره ولا لا ؟؟

افتكر شرف التجربه ممكن يكفيكى

يسلموووووووو

سؤالى يا لولا
انتى شايفة نفسك مغرورة
اوعندك حتة الثقة اللى بانفس اللى بتأدى للغرور؟

حتة اخيرة
كم عدد اخواتك واساميهم وسنهم ودراستهم

نفسك تعملى اية يا ولاء ف مستقبلك؟
الحب بيمثل ف حياتك اية

يا جماعه انا قبل اي حاجه انا عايزه اقولكم بجد ان المنتدي ده احلي حاجه حصلتلي
ووالله العظيم مش مجامله مع اني مش بشارك كتير بس والله بفرح قوي لما الاقيكوا افتكرتوني

هبدا بسؤال سندريلا
انتي بتحبي حاليا ولو مش بتحبي تتمني اللي تحبيه يكون مواصفاته ايه ؟

انا حاليا يا سندريلا مش بحب واهم المواصفات انه يكون بيصلي ويحترمني والمواصفات التانيه بقي هي مواصفات الراجل المصري عمتا يعني يكون رااجل والمواصفات الشكليه بقي نفسي يكون اسمر

وسؤال نيو
انا بقي يا نيو اسمي ولاء في شهر 10 هيكون عندي 20 سنه بحب صحابي جدا وعائلتي بحب بورسعيد جداااااااااااااااا لابعد الحدود. بحب اخرج مع صحابي القريبين مني .عشان اخد راحتي في الكلام لاني طبيعتي خجوله جدااااااااااااااااا
لوني ابيض وعنيا بني فاتح طولي حوالي 167 سم والالوان المفضله عندي الموف والاسود
الفيلم المفضل عندي هو عن العشق والهوي لان شخصيه مني زكي في الفيلم قريبه من شخصيتي في الحقيقه.وامنيتي في الحياه اني ربنا يحسن ختامي

وسؤال نيس
اللي انا في ده يا نيس مش حزن دي رومانسيه لان دي طبيعتي رومانسيه جداااااا
وبصراحه الجزء التاني من السؤال مش عارفه اقرأه ياريت توضحه

وسؤال ميدو

انا يا ميدو معرفش اصلا يعني ايه الغرور لان الانسان اللي يتكبر علي غيره محبش اختلط بيه اصلا

وفعلا انا واثقه في نفسي جدااااااااااااااااا بس بردوا مش لدرجه الغرور
وسؤالك التاني
انا يا سيدي البنت الوحيده وعندي اخين ولاد واحد عنده 25 سنه وبيشتغل في هيئه قناه السويس والتاني عنده 28 سنه وبيشتغل ظابط قوات مسلحه برتبه نقيب
ومتجوز وعنده ول اسمه اياد عنده سنه ونص

وسؤال فدوي
انا نفسي بعد ما اخلص الكليه ان شاء الله اخد كورس لغه وكمبيوتر مدته هتكون 3 شهور
وان شاء الله اشتغل في فندق عندنا اسمه هلنان في قسم العلاقات العامه او الحاسبات
بس ان شاء الله الكوسه هتلعب دورها معايا لاني لو مش معايا واسطه مكنتش فتحت بوقي.

سؤالك التاني
الحب كل حاجه في حياتي

ها مين تاني يحب يسأل

اشطه عليكى يا لولا
هلنان مرة واحدة؟
ده الواحد يعمل جمعية عشان يبات ليلتين ع بعض فيه
ههههههههههههههههه
ربنا معاكى ياولاء

بس سؤال نيس انا هوضحهولك
هو قصده يعنى انتى ممكن تغيرى من مودك ده لو حبه كده
ويكفيكى شرف المحاولة

ميرسي يا ميدو علي التوضيح
بس والله انا مودي ده مش ثابت ده علي حسب الوقت اللي انا فيه يعني مثلا لو في البيت بكون كده وفي الكليه ساعات لكن في النادي او لما اخرج اتمشي مع صحابي في اغلب الوقت بكون عكس كده 180 درجه تلاقي ولاء تانيه خالص تضحك بقي وتقول نكت وافلام من دي

سوااااالي بقي ويمكن ع حظي اني باين الاخير

اية اكتر حاجة بتجرحك مين حد بتحبية ولو حد يعني مش بتحبية قد كدة عمل نفس الحركة معاكي هتعملي نفس للي هتعملية مع الاول ولا ؟ دي جزئيية
تاني حتة ؟ واية اكتر حاجة بتحبيها او بتفرحي بيها في الحد اللي انتي بتحبية .
2_
انتي قلتي ان الحزن جزء من رومانسية الشخص تفتكري لازم الجزء دة يكون موجود ولا مش ضروري في الحب عموما من وجهة نظرك انتي والطبيعة دي بالنسبة ليكي بتحسسك باية بجد يعني الحتة الحزن دي ياريت تكوني فهمتي لاني اساسا مش فاهم السوال لحد دلوقتي ههههههههههه كدة خلص سوالي جود لاك

اوك يا بركات انا هحاول ارد علي اد اللي فهمته لانك لعبكتلي الدنيا كلها
اكتر حاجه بتجرحني من اللي بحبه اني لو حسيت لحظه وهو قاعد معايا انه بيفكر في حاجه تانيه غير كلامي معاه
لكن لو اي حد تاني قاعد معايا وحسيت بكده هاخد الموضوع بهزار وهقول اللي واخد عقلك والافلام دي

اكتر حاجه بتفرحني في اللي بحبه
انه يفهمني من عنيا من غير ما اتكلم

السؤال التاني
احنا كلنا بنعيش الحزن في الرومانسيه بمعني
ان لو حبيبك وحشك بتلاقي نفسك حزين بس الحزن الرومانسي مش الحزن بتاع الموت
فانا شايفه ان الحزن بيرتبط بالحب لان مش معقول حبيبك هيكون لازقلك ليل نهار ومش هيوحشك يعني

ياريت يا بركات اكون جاوبت صح علي اد ما فهمت يعني

سؤالى ياولاء من حتتين
الحتة الاولى
ايه اكتر شئ ندمتى عليه لما عملتيه
وايه اكتر شئ فرحتى لما عملتيه

الحتة التانية
اختارى 10 اعضاء وحطى ليهم القاب ولو مش عايزة القاب حطى اسامى دلع

معلش يا ولاء سؤالى متأخر شوية
سؤالى
كل واحد بتقابله احيانا مشاكل مابيقاش عارف يلاقيلها حل
ولا ياخد فيها قرار وبيبقى محتاج رأى حد تانى
سؤالى بقى
مين هو الشخص ده اللى بتقتنعى برأيه؟
وليه الشخص ده عن باقى الناس اللى تعرفيهم؟

اوك يا سلمي الحته الاولي
اكتر حاجه ندمت عليها الثقه الذياده اللي اديتها لحد مقدرهاش
واكتر حاجه فرحت لما عملتها اني اشتركت في منتدي ميدو بيكهام

الحته التانيه
اعذريني يا سلمي مش هقدر اجاوب علييها

بصي يا ده عمري
هما شخصين الاولي مرات اخويا باخد رايها في الحاجات البناتي زي البس والميكب
والموضه والحاجات دي عشان هي ستايل موووووووت

والتانيه بقي رضوي انتيمتي
عشان هي اكتر واحده معشراني وعاشت معايا كل المشاكل اللي واجهتني في حياتي
دي حاجه..الحاجه التانبيه اننا احنا الاتنين شخصيتنا واحده