كرسى الاعتراف

سؤال نيو
بصي بقي انا مش هرخم عليكي بس اتكلمي عن لؤلؤة في خمس سطور قولي اللي تحبيه واللي يجي في دماغك؟
اسمى يارا من القاهرة (المعادى)
وحاليا مقيمة فى اسكندرية
عندى 15 سنة داخلة اولى ثانوى
بحترم الاذكياء و
احتقر الاغبياء

سؤالى انا بقى يا لؤلؤة من نقطتين
الاولى
انا شايفة ان تفكيرك اكبر من سنك
انتى شايفة ده حلو ولا وحش؟؟؟؟؟؟

النقطة التانية انتى ايه اكتر شئ بتتمنيه فى الدنيا

بصى يا لؤلؤه انتى ردك عجبنى قوى بس فى مثل بيقول عندنا وفى كل الدنيا
اذا طلعت العيبه من اهل العيبه مش تبقى عيبه

يسلموووووووووووووو

ازيك يا ساسوالنقطة
الاولى
انا شايفة ان تفكيرك اكبر من سنك
انتى شايفة ده حلو ولا وحش؟؟؟؟؟؟
ربنا يخليكى لية وميحرمنيش منك انا شايفة ان دة مدح انتى شايفة دة حلو وبلا وحش
النقطة التانية انتى ايه اكتر شئ بتتمنيه فى الدنيا؟
بتمنى ان بابا وماما يفضلو جنبى على طول


كدة فاضل كام سؤال؟؟؟؟؟؟؟؟؟؟؟؟؟؟؟؟

كده فاضل 4 يا لؤلؤة

طيب كويس
فين باقى الاسئلة

سؤالى انا بقى يالؤلؤة
مش هيبقى المعتاد
لما بتزعلى بتروحى لمين
لانى اكيد عارفه انها مامتك
ربنا يخليهالك
سؤاااااااااااااالى:

سؤال خاص شوية بالمنتدى
مين اقرب حد ليكى هنا؟
ومين الشخص اللى شوية حاسه ان فى سوء تفاهم بينكم؟
مين تعتبريها وتعتبريه وتتمنيهم يبقوا اخواتك فى المنتدى؟
مين اكتر حد هنا بتحبيه كاخوات طبعا؟
ومين هنا بيفهمك على طول؟

اخد نفسى بقى
هههههههه
عايزة اجابة صريحه
بعيدا عن سقراط اللى جاوب اى واحد فينا
يعنى من غير دبلوماسية
صرااااااااااااحه
مش كرسى الاعتراف ده ولا ايه
ههههههههههه
ربنا معاكى فى الباقى

سؤال ده عمرى
سؤال خاص شوية بالمنتدى
مين اقرب حد ليكى هنا؟
والله اكدب عليكو لو قلتلكو حد اكتر من التانىلانى عرفتكو كلكو فى وقت واحد
فغلالوتكو قد بعضها
ومين الشخص اللى شوية حاسه ان فى سوء تفاهم بينكم؟
مفيش سؤء تفاهم بينى وبين اى حد على المنتدى
كلكو بتفهمونى وبفهم كلامكم
مين تعتبريها وتعتبريه وتتمنيهم يبقوا اخواتك فى المنتدى؟
بحس نحيتكو دلوقتى نفس الاحساس لانى
عرفتكو فى وقت واحد بحس نحيتكو كلكوا انكو اخواتى
مين اكتر حد هنا بتحبيه كاخوات طبعا؟
كلكو اخواتى وبحس نحيتكو بنفس الاحساس
ومين هنا بيفهمك على طول؟
مفيش ولا حد فيكو بيفهمنى على طول كل كلامى لازم اشرحة
ومحدش يفهمنى وكلكو بتقولو انى كلامى اكبر من سنى وغامضة
دة رئيكم فيه يعنى اكيد مفيش حد فيكو فاهمنى
وبالنسبة لموضوع الدبلوماسية
انا مش دبلوماسية خالص
كل مرة بدخل فيها المنتدى بديكو على دماغكو

بعيدا عن اللى قولتيه يا لؤلؤة
موضوع كلامك اكبر من سنك
دى حاجه ترجعلك يعنى كل واحد وشخصيته وطبيعته
دى حاجه محدش يتكلم فيها
اما الدبلوماسيه فملهاش علاقة بكلامك انه اكبر من سنك او اى حاجه
انا قولت من غير دبلوماسيه علشان عارفه ان اسئله زى دى بتبقى محرجه ومحدش بيقول اسماء
الظاهر ان انتى اللى مافهمتيش المره دى
وبخصوص بقى
بديكوا على دماغكوا
فادى ملهاش تعليق عندى
تعليقها باين من نفسها
ويسلموووووو على ردك لؤلؤة

على فكره يا جماعه لو الاسئله ال 8 مش كملوا النهارده يبقى الدور بتاع لؤلؤه خلص وباذن الله اللى حيقعد على الكرسى بكره بعد اختنا الصغيره لؤلؤه اخوانا الكبير نيو انشاء الله ويارب كدا عاوزين اسئله نعرف بيها احد اخواتنا الكبار فى المنتدى اكبر


يسلكوووووووو

جة سوووووالي انا بقي بعد غياب واعذروا الواحد اصل السوال دة طويل شوية
الواحد كان وهوا في الاسكندرية طول النهار بفكر فية ههههههههههه
سوالي :
رقم واحد لؤلؤة انتي لية دايما بتحسسي اي حد يكلمك هنا في المنتدي من خلال طريقة كلامك او طريقة ردودك انك اذكي منهم او سولاي في الكلمة بتتكبري عليهم مثلا ويمكن كمان ردودك بتزعل منك ناس يمكن انتي مش تعرفي انهم بيزعلوا لكن بجد ساعات بيبقي ليكي ردود بتزعل منك ناس
عشان كدة او نقطة في سوالي
1: اية السبب اللي بيخليكي تحسي انك متميزة علي حد او انك اعلي منهم في التفكير او اي حاجة ع الرغم من اني اعرف ناس هنا في المنتدي برضة مستواهم اعلي من الواحد بكتير والواحد بيحترمهم اوي
2: انتي بتقولي انك بتحبي الاذكياء فقط وبتكرهي الاغبياء فقط
طيب مفكرتيش نفسك في لحظة ان ممكن يحد في يوم يكون حبيبك بس المشكلة زي انتي متقولي انوا اقل منك ذكاء او زي انتي مبتسمية غبي شوية بس انتي بتحبية يبقي ازاي هتحبية سوري دة تفكير غلط لان الذكاء مش مرتبط بحد معين والواحد مش بيعرف انوا ذكي يعني انتي مش تحددي مين ذكي الناس اللي بيحددوا عشان كدة تاني نقطة في سوالي :
2: هل انتي فيكي سمة الغرور بالنفس ولا لا ؟ وهل انتي لو اتحطيتي في موقف ان اللي بتحبية كان غبي شوية ومش ذكي بس انتي بتحبية ساعتها هتعملي اية ؟ وكمان حاجة اخيرة طبعا اموت واعرف انتي بتدينا علي راسنا دايما ازاي هههههههههه اصلها معلقة معايا اصلنا طوال شوية وانتي مش بطولينا يبقي ازاي جبتينا هههههههههه كدة خلللللللللللللصت

كدا على السؤال السادس افتكر يارب بقى الباقى يكمل

وبصراحه يا فوزى من اجمد الاسئله اللى اتسئلت على مدار الكرسى ربنا يكرمك بجاز يارب

تسلم نيس بس دة كرسي الاعتراف وياريت ياجماعة اللي بيرد
يدي اجابات صحيحة ومش يبقي خايف من تعليق حد او يجاوب عشان مش يحرج حد المفروض الاجابة تكون صريحة اوووووووي
تسلم نيس

انا مش عارفة يا لؤلؤة كله عليكى ليه كده
ههههههههههههههههههههههههه
بس فعلا كلهم عندهم حق انتى كلامك وطريقتك توضح انك اكبر من سنك بكتير
وده يا لؤلؤة مش حلو للبنت بالذات
بس نصيحة منى كأخت واكبر منك وعارفة كل ماتبقى فى سنك
فى كل حاجة بتعمليها كل ما الناس تحبك اكتر
وياريت ماتزعليش من كلامى انا بحبك وعايزاكى جميلة على طول

سؤالى بقى
ايه اكتر شئ عملتيه وندمتى وهل حسيتى بالذنب
سؤال بسيط خالص ردى بقى

سؤال فوزى

يااااااااااااااااااااااا اسبوع بتفكر فى السؤال يا فوزى وفى اسكندرية
على فكرة انا مقيمة فى اسكندرية طول السنة يعنى ممكن يكون عندى اسئلة من دى كتيييييييييييييير لكل الاعضاء
(سوالي :
رقم واحد لؤلؤة انتي لية دايما بتحسسي
اي حد يكلمك هنا في المنتدي من خلال طريقة كلامك او طريقة ردودك انك اذكي
منهم او سولاي في الكلمة بتتكبري عليهم مثلا)
اولا لازم تحدد موقف معين اكون اتكبرت فية على حد وبالنسبة ان اللى ادامى بيحس انى اذكى منه
اكيد دى يا فوزى مشكلتة
(يمكن كمان ردودك بتزعل منك ناس يمكن انتي مش تعرفي انهم بيزعلوا لكن بجد ساعات بيبقي ليكي ردود بتزعل منك ناس
)
ومن مبادئى ان الصراحة تديم الصداقة يعنى اللى بيزعل مش معتبرنى صديقة زى ما انا اعتيرتة صديق
(اية السبب اللي بيخليكي تحسي انك متميزة علي حد او
انك اعلي منهم في التفكير او اي حاجة ع الرغم من اني اعرف ناس هنا في
المنتدي برضة مستواهم اعلي من الواحد بكتير والواحد بيحترمهم اوي)
ميرسى يا فوزى على السخرية فى اسبلوبك فى الجزء دة
ولكن هسبيتلكوا كلكو ان مخى كبير وبسامح
وعلى فكرة كلنا بننحنى احتراما للاعلى فى التفكير بيتهئالى متفقين
(انتي بتقولي انك بتحبي الاذكياء فقط وبتكرهي الاغبياء فقط)
انا مقولتش كدة انا قولت
انا بحترم الاذكياء واحتقر الاغبياء وكان فى اجابة سؤال نيو
وكنت بتكلم فية عن نفسى بيتهئالىدة راى وحرية الراى
مكفولة للجميع احنا فى منتدى ديمقراطى
(طيب مفكرتيش نفسك في لحظة ان ممكن يحد في يوم يكون
حبيبك بس المشكلة زي انتي متقولي انوا اقل منك ذكاء او زي انتي مبتسمية
غبي شوية بس انتي بتحبية يبقي ازاي هتحبية سوري دة تفكير غلط لان الذكاء
مش مرتبط بحد معين والواحد مش بيعرف انوا ذكي يعني انتي مش تحددي مين ذكي
الناس اللي بيحددوا )
ما انا من ضمن الناس برضة اللى المفروض تحدد
وبعدين لو بتسئال عن حد بحبة انا بس اللى احدد نسبة زكائة توافقنى ولا لا
علشان اقرر الارطبات بية يعنى فى الاوقت دى
لا انت هتقدر تحددلى ولا اى حد من الناس
يعنى انا بس اللى اقدر احدد نسبة ذكاء الشخص اللى بحبة
ان كانت توافقنى ولا لا
( هل انتي فيكي سمة الغرور بالنفس ولا لا ؟)
شوف يا فوزى فى شعراية بين الثقة بالنفس والغرور
ومعتقدش انى قطعتها واعتقد انها مازالت موجودة
يعنى ممكن تقول انها ثقة بالنفس مش غرور
(وهل انتي لو اتحطيتي في موقف ان اللي بتحبية كان غبي شوية ومش ذكي بس انتي بتحبية ساعتها هتعملي اية ؟)
اكيد مش هحب ولا هختار انسان غبى يكون شريك حياتى
(وكمان حاجة اخيرة طبعا اموت واعرف انتي بتدينا علي
راسنا دايما ازاي هههههههههه اصلها معلقة معايا اصلنا طوال شوية وانتي مش
بطولينا يبقي ازاي جبتينا هههههههههه كدة خلللللللللللللصت)
انا طولى 170 انت طولك كام يا فوزى


اذا كان هزارى زعلكم منى انا اول مرة اهزر بكلمة معاكو واخر مرة
واخير يا فوزى الخلاف فى الراى لايفسد للود قضية

ازيك يا دعاء عاملة اية
(بس فعلا كلهم عندهم حق انتى كلامك وطريقتك توضح انك اكبر من سنك بكتير)
كدة بقيتى معاهم عليا يا دعاء
وانا بحبك جدا يادعاء وحقيقى بحس ان نقدك ليا بناء وبحب اسلوبك اوى
(ايه اكتر شئ عملتيه وندمتى وهل حسيتى بالذنب)
والله اقولك على حاجة يادعاء بجد بخاف اووى انى احس بالذنب
فبفكر فى اى تصرف ليا كويس اوى قبل ما اعمله
وديماعلشان مظلمش ومظنش وارجع اندم بسئل الادامى
مرة واتنين وتلاتة قبل ما ارد علية
ولما دعاء ياحبيبتى حد عارف ان اسئلتة محرجة ومحدش بيقدر يجاوب عليها
ومحدش يقدر يحدد اسماء يبقى بيسئلهالى مش علشان يسمع اجابة
دبلوماسية لا دة علشان يحرجنىبس انا عاوزة اطمنكو انا اقدر اجاوب
على اى حاجة بتسئلوهلى لما تكونو
فعلا عاوزين اجابة مش قاصدين تحرجونى وخلاص
واخيرا مش عاوزة اى حد ياخد اى حاجة على اعصابة و
يتنشن اوى منى وبلاش تكونو متحفزين ليا انا اختكم الصغيرة
وكلنا فى المنتدى دة علشان نرتاح مع بعض مش علشان ندور على اسئلة نحرج بيها بعض

وعايزة اوضح حاجة كمان يا جماعة
كرسى الاعتراف علشان كل واحد فينا يقعد علية
ويتكلم عن نفسة ولما يقوم يكون مرتاح لانة خرج كل اللى جواه
وعلينا كلنا نتحمل اللى جواه لاننا اخواتة واصحابة
مش علشان لما يقعد علية نحاسبة على الكلمة
ونجلدة ونقف كلنا ضدة و نحاول نطلع فية كل العيوب
طبعا الكلام مش ليكى يا دعاء خاااااااااااااالص

يا عسولة يا طيوبة يا سكورة ياحبيبتييييييييييييييييييييييييييييييييييييييييييييييييييييييييييي

بجد يا لؤلؤة
كان اصعب اسبوع فى الكرسى والله
واسئلة واجابات تحرق دم اللى بيقراها
الله يكون فى عونك
بس شكلك استويتى على الاخر
صح؟
ليلتك فحلقى يا نيو انت اللى عليك الدور

بس ياريت يسا جماعة بليز محدش يزعل من التانى وفى اللعبة دى بالذات
لان لازم كل واحد يتكلم بصراحة
ومتنسوش اننا كلنا اخوات ومانقدرش نستغنى عن حد
فبليز يا جماعة محدش يزعل

اول سؤال لنيو حبيب قلبى

عرفنا عليك فى هواياتك والحاجات اللى بتحب تعملها يعنى حاجات تفيدنا فى اننا نعرفك اكتر طولك وكدا انتى فاهمنى اكيد
يسلمووووووو

اه قصده نيس يعنى عرفنا بنفسك

سؤالى انا ياعم نيو
حبيت كم مرة وسبت كم مرة فيهم وانسبت كم مرة
وهل ندمت على اى واحدة حبيتها
واسم اكتر بنت حبتها هى ايه
وهل انت دلوقتى بتحب؟

ماعلش هو سؤال لولبى شوية يا حبى
ههههههههههههههه

o.0 (niiis) 0.o كتب:

اول سؤال لنيو حبيب قلبى

عرفنا عليك فى هواياتك والحاجات اللى بتحب تعملها يعنى حاجات تفيدنا فى اننا نعرفك اكتر طولك وكدا انتى فاهمنى اكيد
يسلمووووووو

بص يا سيدي

انا شاب اسمعيلاوي في تالتة كلية حاسب الي

هواياتي بقي

كلها كمبيوتر اي حاجة في الكمبيوتر تعتبر هوايتي

بحب كل الناس واتمني ان ربنا يرضى عني ويحبب خلقه فيا

انا مزاجي اوقات مش بتعصب بسهولة بس لو اتعصبت احسنلك ابعد عني

بحب التحدي

كفاية كدا بقي

ميدو بيكهام كتب:

اه قصده نيس يعنى عرفنا بنفسك

سؤالى انا ياعم نيو
حبيت كم مرة وسبت كم مرة فيهم وانسبت كم مرة
وهل ندمت على اى واحدة حبيتها
واسم اكتر بنت حبتها هى ايه
وهل انت دلوقتى بتحب؟

ماعلش هو سؤال لولبى شوية يا حبى
ههههههههههههههه

ماشي يا ميدو ماااااشي والله سؤالك رخم وكنت بفكر مردش عليه بس يلا مش مشكلة هرد وامري لله

* بالنسبة لحبيت كام مرة فهما مرتين واحدة فيهم تعتبر مراهقة يعني متعتبرش حب والتانية كانت حب بس مش حقيقي لانه مدامش

*مندمتش على حد حبيته لان اللي بيندم على حد سابه يبقي ملهوش كرامة وانا كرامتي فوق اي شئ وكل شئ حتى لو قلبي

* بلاش موضوع الاسم دا لانه ولا هيودي ولا هيجيب

*ايون بحب ربنا ووالدي ووالدتي واخواتي ( اللي انتوا منهم )

وبالنسبة بقي لحب الجنس الناعم فانا مبفكرش فيه دلوقتي

هو ليه معاده وانا مستنيه يجي وقت ما يجي

تمام كدا يا ميدو ولا في حاجة تانية

بس انت مردتش على حتة سبت ولا انسبت
يعنى الاولى انت اللى سبتها ولا هى للى سابتك والتانية برضه ايه ظروفها
لا كده الله ينور وربنا يوفقك

ميدو بيكهام كتب:

بس انت مردتش على حتة سبت ولا انسبت
يعنى الاولى انت اللى سبتها ولا هى للى سابتك والتانية برضه ايه ظروفها
لا كده الله ينور وربنا يوفقك

اه انت كدا جيت في المنطقة المحظورة يا ميدو بس على فكرة انا نسيته والله مش تجاهلته

المهم

المرة الاولي

انا سبت

المرة التانية

حصل انها خانتني المهم يعني مش عايز اكبر الموضوع المهم انها هي اللي سابت وبعد ما سابت زي العادة وبكل سعادة رجعت ندمانة بس خلاص كفاية كدا يا عم الحد

سورى ان ضايقتك وربنا يعينك على الاسئلة الباقية