:::: الشمروخ السحرى ::::::::

سالخير عليكم


النهارده هبدأ احكليلكم عن الشمروخ السحري


نفكركم مين الشمروخ

الشمروخ هو .. خالد

20 سنه .. كليه تجاره

باباه و مامته متوفيين و عايش مع عمه

و عمه دا قاسي عليه جداا

مشكلته انه بيحب 4 بنات ... و بـ 4 شخصيات



افتكرنا خالد .. او الشمروخ ..؟؟


:123: :123: :123: :123: :123: :123:



نبدأ ب الفصل الاول ..







..:: الفـــــــصل الاول ::..


داليا - "صباح الفل يا خالد "

خالد - ازيك يا داليا ...؟

داليا - مالك يا خالد .. شكلك موش مبسوط ..

خالد - هو انا عمري احزن و احنا مع بعض ..

داليا - ربنا يخليك ليا يا خالد .. دايما مغرقني بكلامك الحلو كدا

خالد - اومال مالك .. جايه بدري ليه كدا ..؟

داليا - عادي انا صحيت بدري .. و قلت اجي بدري

خالد - ما شوفتيش بؤبؤ ..؟؟

داليا - وايه اللي هيجيب بؤبؤ بدري ... ايه يجيبه اساسا هههههه

خالد - انا كلمته و كنت عاوزه في موضوع كدا .

داليا - انا قلقانه منك يا خالد .. و شكلك موش طبيعي

خالد - معلش يا داليا موش عايز اتكلم في الموضوع دا

داليا - طب موش هتخرج معايا النهارده .. احنا متفقين علي اليوم دا من اسبوع

خالد - اوك يا داليا .. هكملك .. بس ورايا كام مشوار هروحلهم و اجيلك


داليا - أوك يا حبيبي .. نتقابل في معادنا

خالد - هو احنا قلنا الساعه كام ..؟؟





ساعتها يرن موبايل خالد ..



داليا - 6 زي ما اتفقنا

اوك انا همشي انا دلوقتي





خالد في التليفون - الو يا سالي ازيك ..؟

سالي - انت فين يا حبيبي .. تليفونك كان مقفول امبارح

خالد - ملعش كنت نايم

سالي - ااحنا علي معادنا النهارده .. الساعه كام 8 صح ...؟

خالد - اه بس هروح البيت و هروح مشوار مع بؤبؤ

سالي - اوك يا خالد .. take care

خالد - اوك سالي .. باي




خالد كان محطم جدا من جواه

لحد امبارح كان فرحان و مبسوط و موش هامه الدنيا



خالد - ايه يازفت .. هتفضل كدا ..؟؟

خالد - اومال اعمل ايه ..؟

خالد - انت بتعمل ليه كدا اساسا .. معقول قبلك يساع 4 ؟؟

خالد - محتاجهم اووي مقدرش ابعد عن اي واحده فيهم

خالد - طب وليه متبقاش مع واحده تكفيك الدنيا ؟؟

خالد - مقدرش يا شمروخ .. الاربعه لو حد منهم غاب بتجنن

خالد - انت حاسس انك كدا كويس ..؟

خالد - انا كويس كدا .. مفيش مشكله بالنسبالي .. المشكله اني خايف علي اي واحده تضيع



"شمرووووووووختي "


خالد - ازيك يا بؤبؤ

بؤبؤ - يا سرحانك يا فلانتينو .. سرحان في داليا .. ياعم يا سيدي

خالد - بطل روقانك علي الصبح ..

يؤيؤ - مالك يابني .. عمك عملك حاجه ..؟؟

خالد - محدش عملي حاجه .. انا اللي بعمل في نفسي

بؤبؤ - هههههه طبعا بتعمل في نفسك هع

خالد - اتهد بأه يا بهاء .. انا موش طالبه تهريج

بؤبؤ - بتنادي بإسمي . يبقي فعلا مخنوق

خالد - اسمعني من غير ما تتكلم

بؤبؤ - .....

خالد - حاسس اني عقابي هيبقي عند ربنا كبير ... انا اللي بعمله في الايام دي حاسس انه هيوديني في داهيه

بؤبؤ - موش فاهم حضرتك

خالد - امشي من هنا .. معاك العربيه توصلني ولا الحاج خنق عليك ..؟

بؤبؤ - معايا يا سيدنا .. رايح فين مروح ..؟؟

خالد - لأ خلاص روح انت

بؤبؤ - نعم ..؟؟ اروح ..؟؟ اومال مصحيني من الساعه 10 و جايبني


ليه علي رأي الشاعر احمد مكي ايه 7 ايييييييييييييه


خالد - امشي يلا ..




خالد موش طبيعي ..

خالد عمره ما كان كدا في حياته

طول عمره ببقي فرحان جدا

بيستمتع اووي و هو بينقل بين شخصياته

كان ذكي جداا لدرجه ان طووول عمره عايش بأكتر من شخصيه ..ومحدش حتي لاااحظ كدا


كان بيقدر يطلع من اي موقف ممكن يكشفه بذكاء عالي
ويحول الموقف لصالحه

و غريبه ان كل الناس كانت بتحبه

كان من النوع اللي يدخل القلب من اول تعامل

و هو كان بيلعب علي الوتر دا


اقرب صحابه .. دا لو كان يعتبر اقرب يعني .. مكنش يعرف عنه اي حاجه

كان دايما كل يوم و كل لحظه بشخصيه تخدم مصلحه ليه


مره متدين و مره صايع و مره عادي و مراااااات...


خالد - ليه كدا ..؟؟

انا كدا ليه ...؟؟

خالد - موش هتعرف تعيش بشخصيه واحده .. هتتعب

خالد- ليه يعني . والناس الطبيعيه دي ..؟؟


رن الموبايل تاني

خالد- ارد ولا لأ ..؟؟ ,, هرد و خلاص


الو ... ايوه يا نورا ..

نورا - خالد .. انا عايز اقابلك حالا .. عندي مشكله و عايز احكيهالك


خالد - انتي فين ..؟؟

نورا - انا في بينوس ..

خالد - تمام ربع ساعه و اكون عندك





بردو مفيش فيك فايده

ايه؟؟؟ بحبها ... و هي في ورطه ...
بتحبها .؟؟

بتحب نورا ولا داليا ولا سالي ولا مي ..؟؟؟

بحبهم كلهم

مفدرش اتخيل اني بعيد عن واحده فيهم

خالد - انت موش طبيعي .. انت تنتحر .. او تروح لدكتور نفساني

طب تقدر تقولي لما تيجي تتجوز هتتجوز انهي واحده ..؟؟

اتجوز الاربعه ... و ايه يعني

يا سلام .. ودي سهله ..؟؟ انت بتخرف وربنا


طب ايه حلها ..؟؟


تموت ..؟؟

لأ انا هفضل كدا .. و انا يني ايه الوحش اللي فيا

اخرج و اصاحب و اهرج و اعيش

دي احلي ايام حياتي

انا شاب و لازم يعيش ايامه

وبنات الناس .. لعبه ..؟؟
دا علي اساس اني بعلب بيهم

و حتي لو بلعب بيهم .. يولعوا ياعم .. المهم انا ابقي تمام











دا شمروخنا ...

زي مانتوا شايفين تفكير ولا اوسخ

تصرفات ولا ازبل

ومحدش يقولي ماهو بيفكر انه غلطان ... مهو فيه امل اهه

افولك انا .. لأ ... دا اوحش و اوحش

لانه عارف انه غلطان .. وموش بياخد اي خطوه




تابعونا في الفصل التاني

بس انا عايز رأيك في طريقه تفكير الشمروخ

طب دا مرض نفسي ..؟؟

ولا التفكير هو اللي مريض ..؟؟

هو ممكن يعيش طبيعي ..؟

الله عليك يانيسوس
ياابو الافكار كلها
جامد يابنى
وشكلها كده قصة جامدة
بس ياب تبقى متجددة على طول
وانا ع نفسى شايف ان ده مرض نفسى
ميرسى ليك نيسوس وتقبل مرورى

لا مش مرض نفسى يا نيسوس
مش ممكن يكون وحيد
او حياته فاضيه وممله ومافيهاش حاجه شغلاه
مش يمكن علشان اتحرم من حنان امه وخوف ابوه عليه
يعنى لو كانت حياته فيها حاجه حلوه او مفيده مستاهله بجد انه يسيب الكلام الفاضى ده
مش كان بعد عن اللى بيعمله
ده رأيى وهو اه ممكن يعيش طبيعى بس لما البنات دى كلها تعرف وكل الناس تبعد عنه بتهيألى هيقعد مع نفسه ويفكر فى حياته
وكمان لما يلاقى شخص يغير تفكيره
بجد توبك تحفه يا نيس
وده مش جديد على دماغك العااااااااليه دى
ربنا يكرمك ومستنيه الفصل التانى
يسلمووو ايديك

جد القصة كتيييير حلوة متلك يا عسووول

جميلة يا نيس بس فين التكملة
يلا مستنية الباقى