من غير مجاملاااااااات؟؟!!

اوكى انا موافق ع الفكرة
وكويس انك انتى اللى بداتى بنفسك
عشان تبقى انتى صاحبة الفكرة وتاخدى كل الكلام على دماغك
بس يا جماعة بدون احراج او زعل احنا كلنا اخوات واصحاب
وعايزين مصلحة بعض فمحدش يزعل من التانى لو قال عليه عيب او قدمله نصيحة
لان كل واحد فى عيون نفسه انسان كامل بس فى عيون الناس عكس كده خالص
وميرسى يا عمرى على الفكرة ويارب تتنفذ

انا موافق على الفكرة
دى
واحسن حاجة اللى انتى بداتى
اووووووووووووووووك
(*&*&*&*&*&*&*&*&*&*&*&*&*&*&*)
ومرسيى على الموضوع ده ياااااعمارتيس

هههههههه عمارتيس
والله اسم جميل
ميرسى لمرورك يا فوزى انت وميدو
وهستنى ردود الاعضاء الباقيين

اوووووووووووووك الا دو الا ثري تن تن تن تن
مووووووووووووووووووووووافقة
انتي هتاخدي كلام كتير اووووووووي
بس فكرة هايلة والله هنعرف بيها بعض اكتر

يا جامده ربنا يكون فى عونك يارب

ويسلموووووووووا عمارتيس

فكرة جميلة طبعا وانا بقي اول واحد هيبدأ


1 : عيوب هذا العضو بكل صراحة

اي تقصير في اي حاجة تجاه دينها تبقي عيب

2 : مميزات هذا العضو بصراحه

ذكية ، متابعة ، فرفوشة

3 : تقييم اداؤه هنا فى المنتدى

ممتاز

4 : نصيحة له

احفظ الله يحفظك


بس خلاص يعني انا حبيت افتح المجال للناس انهم يدخلوا اللعبة وكدا

واتمني اني مكنتش قولت حاجة تزعلك

لا خالص يا نيو والله كلامك على راسى
ومافيش اى حاجه فى كلامك تزعل
وميرسى على ردك ومرورك يا ضحيه باشا

دوري انا بقي ومش هطول عليكوا بس اللي هيبقي ع الكرسي دة هياخد كلام كتير اوي ههههههه نبدا بالفاتحة :
عيوب العضوة :
1: عنيدة لابعد الحدود ومش سهل تتنازل عن رايها يعني من الاخر قول اة وخلاص
2: نتيجة تمسكها برايها دايما ممكن توصل للعصبية لو اللي قدمها اصر علي راية
3: ممكن تزعل منها حد بس هيا مش بتحس بكدة رغم ان مش قصدها كدة


مميزات العضوة :
1: ذكية وبتعرف تتعامل اوي مع االلي قدمها
2: طموحة لابعد الحدود وبتعرف توصل لهدفها في الاخر
3: طيبة اوي لدرجة ان كتير حبوها وهما مش يعرفوها زيي زي نيو و زي المنتدي ذات نفسة وكل الاعضاء
4: ردودها حلوة اوي علي اي موضوع بتحسسك فية بالعقل والحكمة فيها
5: متابعة طبعافي المنتدي وتعتبر من الاعمدة بتوع المنتدي اللي هوا اساسا واقف علي عمودين ولمبة
6:مش محبة للمشاكل بتبعد عنها حتي لو حاجة حصلت ليها هيا اهم ماعنددها مش تحصل مشكلة ولا حاجة تكون سبب فبها والله ياجماعة انا كدة خلاص حللت اوي الشخصية اعتقد بقي يخلوني محلل في الجزيرة ولا حاجة

النصيحة :
خليكي علي طول كدة بجد عشان انتي كدة ربنا هيوفقك طول عمرك

التقييم :
دي التانية بعد ميدو ياعم ههههههههه ممتاز طبعا

تقبلوووووووووووا مرروري barakat

1 : عيوب هذا العضو بكل صراحة

اقل حاجة بتحس بالملل منها
وممكن ماتحسش باللى بيكلمها فى بعض الاوقات
ودماغها ناشف حبتين
انا حاسس انها مريضة على طول وتعبانة كده



2 : مميزات هذا العضو بصراحه

محترمة وذكية وعاقلة وكلامها منطقى ودمها خفيف
وطيبة اوى وبتحب الصداقة



3 : تقييم اداؤه هنا فى المنتدى

ممتاز


4 : نصيحة له

ربنا يصونك ويحميكى

نبتدى باحمد محمد بركات
بالنسبه للعيوب فهى صح مقدرش انكر ده
عصبيه يمكن انما حكاية انى ممكن ازعل حد منى ده فعلا بيحصل
بس بيبقى مش قصدى لان مابحبش حد يزعل منى ولما بعرف انى زعلته
احيانا ما بعرفش اعتذر واحيانا باعتذر بس كلامك كله صح
والمميزات طموحه دى بقيت بشك فيها اليومين دول
وان شاء الله اعمل بنصيحتك وكلامك على راسى
ميرسى لردك ومرورك

ههههههههههه
ماشى يا ميدو
اولا يا سيدى كلكم وصلتوا لنقطه واحده وهى العند ودى صح
بمل بسرعه صح انما احيانا مابحسش باللى بيكلمنى دى مش فاهماها
بس كلامك زى ما قولتلهم كلهم على راسى ولازم احترمه واعمل بيه
بس بتهيألى عيوبى دى مافيش امل انها تتغير شكلها وراثه
ههههههههههههه وميرسى على نصيحتك وردك ومرورك يا ميديس

انت عسولة اوى اي دة عمرى وانا مع انى مش اعرفك معرفة شخصية بس حاسة انك شخصية عسولة موووووووووت وبتحبى انك تضحكى ع طوال وبما ان البرج الصينى بتاعك هو الحصان فانتى انسانة طموحة لاقصىى درجة وعنيدة لاقصى درجة بتتميزى بالعصبية وممكن تتعصبي لاسباب قد يراها البعض تافهة بس برغم كل دة انتى طيبة جدا وممكن كلمة تصالحك
وبالنسبة لمميزاتك فانتى فعلا انسانة هايلة بجد ف المنتدى وفعلا مش اتخيل المنتدى بدونك يا قمراية
ونصيحة ليكى
عشان انتى شكلك داخلة اولى كلية فارجوكى مش تنبهري بحياة الكلية وخدى بالك من ربنا اولا ثم نفسك

ههههههه ميرسى ليكى يا فدوى
انا اللى بصراحه عايزه اعرفك اكتر
كلامك كله صح والظاهر ان العيوب دى مافيش امل تتغير
تفتكروا اعمل ايه ؟
وانا كمان ماقدرش اتخيل المنتدى من غيرك ومن غير اى عضو وعضوه معانا هنا فى المنتدى
والنصيحه بقى:انا فعلا داخله اولى كليه وماتخفيش عليا صاحبتك جامده مابيأثرش فيها اى حاجه يعنى انا هوا انا ودى فتره وهتعدى زى اى فتره فى عمر الانسان
بس احسن حاجه فيها انى مش هصحى بدرى
ههههههههههههه
ميرسى ليكى يا فدوى وكلامك على راسى يا جميله
وشكرا على مرورك وردك

انا كمان والله يمكن مش شايفكوا
بس بحبكم جدا وبحترمكم جدا جدا وكلكم زى اخواتى واصحابى واكتر
وميرسى ليكى اوى يا ولاء على الكلام الجميل ده
وانا عارفه انك مابتعرفيش تجاملى (العصابه بتاعتنا كده مجرمين اللى فى قلبهم على لسانهم)هههههههههههه
وان شاء الله هعمل بنصيحتك انتى وفدوى
ويارب يكون الموضوع ده بجد هيقربنا من بعض
كلامك على راسى وانا احترمته جدا
ميرسى لردك ومرورك

شكرا يا دة عمرى ع رائيك
بس صدقينى انا نصحتك عشان موضوع الكلية دة مش يأثر فيكى لانة بيأثر ف كل الناس
ومش تفرحى اوى كدة ممكن يكون عندك محاضرات الساعة تسعة الصبح
ربنا ما يوريكى

اوكشن
بس بالراحة عليا لانى بتخنق بسرعة
هههههههههههههههههههههههه

دى كلها عيوب ياعمرى ؟
لكن والله احترمتك اكتر لما قلتى كده
وكلامك فوق راسى ياست الكل
وان شاء الله هحاول
وميرسى ليكى