اغنية محمد عدويه(ولا كان).....

ولا كان الحب عمره باختيارنا ده كان قدرنا وبإيدنا ايه

سلمنا قلوبنا دبنا وبعيونا انا وانتى شفنا الحب ايه
ولا كان الحب عمره باختيارنا ولا كان قدرنا وبإيدنا ايه
سلمنا قلوبنا دبنا وبعيونا انا وانتى شفنا الحب ايه

وعرفتى الحب بيه عرفته بيكى ولا عمر الحب بينا مره تاه
وان مرة غنى قلبى يغنى ليكى ويارب نعيش كده طول الحياه
يا زمان انت اللى عارف هنشوف ايه يوم بعد يوم
يا زمان هون علينا اى شىء
يا زمان خلينا نسهر فى القمر ويا النجوم
يا زمان انت اللى كاتب كل شىء

ولا كان الحب عمره باختيارنا ده كان قدرنا وبإيدنا ايه
سلمنا قلوبنا دبنا وبعيونا انا وانتى شفنا الحب ايه

ولا يوم حبك فى قلبى يهون عليه سهران ارسم فى حلم مصدقاه
وانتى اللى بحس بيها وحاسه بيه والحلم اللى فعيونى مكملاه
يا سلام لو كل عاشق شاف غرامنا وعاش غنانا
يا سلام داحنا اللى خلصنا الكلام
يا سلام لو كل قلب يدوق حلاوة نار هوانا
يا سلام مع بعض كملنا الغرام

ولا كان الحب عمره باختيارنا ده كان قدرنا وبإيدنا ايه
سلمنا قلوبنا دبنا وبعيونا انا وانتى شفنا الحب ايه

وعرفتى الحب بيه عرفته بيكى ولا عمر الحب بينا مره تاه
وان مرة غنى قلبى يغنى ليكى ويارب نعيش كده طول الحياه

بجد اغنية جاااااامده جدا ياريت لو عندكوا وقت تسمعوها
لو مش هتشغلكم عن حاجه اهم

هي جامدة فعلا يا عمرى وبحب اسمعها
شكرا ليكى

وكمان اللى بيحبها موت
فيدو ديدو
وهو اللى قاللى عليها
ولما سمعتها حبيتها لانها حلوة
ميرسى ليكى عمرى

ميرسى ليكى يا لؤلؤة انتى وميدو
انا كمان لما سمعتها حبيتها
ويسلمووووووووو

كلمات جميلة جدا انا كنت بحب اسمعها

بس لغاية دلوقتي الكلمات معلقة معايا