ايهما أصعب ان تعترف بالحب ام تعترف بالكراهيه؟؟؟....

ايهما اصعب ان تعترف بالحب ام تعترف بالكراهية لشخص ما ..؟

تُعتبر مشاعر الإنسان الداخلية من أكبر الأسرار التي يُخبئها في داخله ..

أُقدم لكم هُنا في هذا الموضوع دعوة لكشف الأوراق المخفية داخلنا

قد تكون المشاعر المخفية عبارة عن مشاعر حب او كره لشخص ما ..

هل تستطيع أن تصارح الآخرين بمشاعرك تجاههم

سواء كانت مشاعر حب أو كره ..؟!

قد يشعر الشخص الذي يعترف بالحب كأنه تجرد من كل اقنعته

او كل ما كان يحمي خصوصيته، وكأنه ازاح الغطاء الواقي عن نفسه ..

اما بخصوص الكراهية، فهل تختلف ..؟!

هل انت مستعد لتقل لشخص ما وجها لوجه بأنك تكرهه ..؟!

بشرط ان يتم ذلك في لحظة هادئـة وليس نتيجة شجار وقع بين الاثنين ..

إذ عندها يكون هذا الكلام سهل النطق .. ودون حرج ..

هل تستطيع ان تكون صريحـا او صريحة حتى النهـاية وتشرح للشخص

الذي اخبرته بكراهيتك لهن لماذا صرت تكرهه ..؟!

هل تملك الحجج والشجاعة لمثل هذه المواجهة ..؟!

ايهما اصعب ان تعترف بالحب ام تعترف بالكراهية لشخص ما ..؟!

انتظر ردودكم






..................ايهان .....................ايهان................ايهان..............

لاتبكى يا عين على اللى جرحونى
خلو قلبى حزين وبكو عيونى

موضوع حلو اوي كالعاده
و مبسوطه اني اول واحده ارد

انا بصراحه مقدرش اعترف لحد بحبي ليه او كرهيتي ليه معنديش ولا الشجاعه و لا الجرئه اني اقول الكلمتين دول
مقدرش اعترف بحبي عشان متجرحش او كرامتي تتهز
و مقدرش اعترف بكرهي لحد عشان محرجهوش او اجرحو و بكتفي بالبعد عنو و ده اكيد بيبن للحد ده اني مبقيتش احبو
بس انا شايفه اني كلمه اكرهك اسهل من كلمه بحبك
لان الشخص اللي هقولو بكرهك اكيد يستحقها و اكيد هيبقي ليها اسباب مقنعه عشان اقول الكلمه ديه و مش هضرني في حاجه
لاكن كلمه احب احيانا بضر اللي بيقولها
ديه وجهة نظري بس بردو مقدرش اقولهم
و ميرسي كتير علي الموضوع

ميرسى على ردك يا كوكا وانتى عندى بالمنتدى كله لانك انتى الوحيدة اللى رديتى وده يدل على ان فى تقصير من اعضاء المنتدى كلهم وده بيدل على ان مش فى روح فى المنتدى وده مش اللى هيخليه يبقى احسن المنتدىيات

ياريت كل واحد فى المنتدى زى منا يحب ويتمنى ان الناس اللى فى المنتدى كلهم يردوا على مواضيعه يكون هو اول واحد يرد على مواضيعهم عشان يلاقى الرد لكل مواضيعه


وميرسى ليكى تانى.........


..... تعلمت انه عندما تضحك يضحك لك العالمن كله
..... وانه عندما تبكى تبكى لوحدك........


........ ايهان ............. ايهان........... ايهان.........

وانا كمان يا ايهان
وجه نظرى زى كوكا بالظبط
ان الحب لو اعترفت بيه ممكن يجرحك او يجرح االلى انت بتحبه وتحرجه
اما الكره احسن بالنسبه للموضوع اللى بنتكلم عليه
شكرا
تقبل مرورى ايهان

بس كلمة بكرهك لو اتقالت لانسان مهما كان فى من صفات وحشه
فالكلمه لوحدها بتوجع


لاء يا عمري مش بتوجع لان الانسان بيبقا عارف اللي بيعملو و عارف انو يستاهل الكلمه ديه يستاهل انها تتقالو ولو مش عارف انو يستاهلها فا لازم يعرف كده يمكن يفوق لو فعلا مش عارف


لان لما انت تعترف لحد ان انت بتحبه ده مش هيقلل منه ولا هيجرحه

بس هيقلل منك انتي يا عمري لانو سهل انو ميكونش بيحبك و يحرجك و يجرحك انتي او يستغل حبك ليه


علي فكره انا بردو زي ماقولت مقدرش اقول الكلمتين رغم اني مقتنعه انو يستاهلها

ايه ياعم ايهان بالراحة علينا بس
والله انا لسه جاى من السفر وكنت تلاحظ انى مش برد ع كتير من المواضيع وبسيبها لما ارجع
عشان افكر واكتب اللى فى نفسى
وهو برضه حد يقدر يطنش مواضيعك

المهم
والله حقولك
ان كنت بتحب حد فصعب مليون مرة تقوله بحبك فى وشه
انما من وراه عادى
ولو كنت بتكره حد سهل عليك جدا تقول بكرهك فى وشه وده عادى

فانا قصدى الاعتراف بالحب اصعب من الاعتراف بالكراهية

سورى ليكو بقى الكلام ده كله مش صحيح مش فى حد منكو كلكو قرب من الموضوع اللى
انا اتكلمت فيه

لانه بأختصار على كلام ده عمرى ان عمر البنت ما تقول لولد انا بحبك ويقولا لا ابدا
الا لو كان مرتبط وبيحب جامد جدا انما النت ممكن يقولها الولد انا بحبك وهى ممكن تكون مش شايفاه الولد المناسب ليها فبالتالى مضطرة اسفه انها ترفض الكلمه زى ما صديقه ميدو عملت كده
فى الموضوع بتاع ميدو الاخير

اما عن الحقيقه انها غريزة فى البنى ادم سواء بنت او ولد انه مش يقدر يقول لحد انا بكرهك
ودى حقيقه اما عن كلمه بحبك فكل الناس بتقولها بس بتترك انطباع داخل الطرف التانى


الكلمتين اسهل من بعض وممكن يتقالوا بكل سهوله بس بتعتمد على طبيعه البنى ادم بقى واللى هو اتربى عليه


وميرسى ليكو يا جماعه كلكوا



........ ايهان...........ايهان............

تعلمت انه عندما تضحك يضحك لك العالم
......وانه عندما تبكى تبكى لوحدك....

واللهي الاتنين اصعب عندي من بعض صعب اقول لحد بحبة
وصعب اووووووووي اقول اني بكرة دة
ثانكس هينوووووووووووووووو ع التوبك دة