الكلام اللى صاحبى بيحكهولى
يشبه اللى حصل زمان معايه
حتى الوصف اللى وصفهولى
بياكد انها نفس الحكايه
وكلامه خلانى اخاف عليه
واقوله ليه يا صاحبى ليه
اوعى تغلط غلطتى اوعى تكرر قصتى
اوعى تسيب قلبك يضيع نفس النهايه
قالى تعالى اقابلك بيها
صاحبى فرحان قوى بيها
قالى تعالى علشان تشوف اللى اختارها قلبى
رحت معاه وانا ملهوف هاقابل حبيبه صاحبى
ولما شفتها قوام عرفتها
وجت عينى فى عنيها وبان الخوف عليها
اتاريها هى نفسها اللى جرحتنى زمان
رجعه تانى ونفسها تجرح صاحبى كمان
قلت ياله يا صاحبى مسير الزمان هينسينا
ومشينا ويدوب ثوانى ومسكت ايد واحد تانى
قلتله بصى يا صاحبى وراك
ادى اللى فكرها بتهواك
بصى وصعبت نفسه عليه
لام على الحب وانا لومت عليه
فضل يبكى بدموع عنيه
وانا بصرخ من جوايه
علشان هى دى نفس الحكايه
الأربعاء 27 أغسطس 2008 - 12:57
