برنامج 2x1

الاسبوع دا يا جماعه
معانا الاتنين




ميدووو




فدوى




ويا جماعه لو حد شايف انه مش عاوز يشارك وانا اخترته يقول من غير زعل
\



سلاموزززززززززززز

هههههههههههههههههههههههه
جاااااااااااااامد يانيس
ماشى ياعم
دومستنى رد فدوى

والله العظيم انا حاسس ان اول لعنة للحضارة البكهامية حلت على الموضوع ده
ده مكملش من اول اسبوع خالص ياربى
يالهووووووووووووووووى
فينك يافدوى انقذينا

ههههههههههههههههه

ههههههههههههههههههههههههه
انا هنا يا ميدو
بس معلش النت كان مش مظبط معايا
وانا موافقة ع المشاركة
وشوفوا انتو عاوزين تبداو امتى
وانا معاكوووووووووووووووووووو[b]

ابداو من دلوقتي ياجدعان هههههههههههههههه اللي يلحق يسال بقي

ياللا دلوقت؟
انا مستنى
وطبعا انتى اللكبيرة ولازم تبتدى
بس لازم نعوض التلت ايام اللى فاتوا

اوكشن يافوى
هجوب

1 - اسمى محمد لطفى عبد المجيد سمك

2- انا من البحيرة واسكندرية ( الاتنين ع بعض يعنى )

3 - اول قصة حب دى كانت لعب عيال بس اول قصة حب عشتها بجد كانت فى اولى كلية
بس ماتمتش واتفاهمنا احنا الاتنين على ااننا نكون اصحاب لاننا ماقدرناش نكمل مع بعض

4 - انا حبيت 4 بنات لحد الان من اول الاعدادى لحد الكلية

5 - اسمها شيماء وكان السنة دى فى الكلية
ومش هحكيه لانه قمة فى الاحراج ووقتها وشى جاب الوان ومشيت على طول

6 - لا مافيش الحمد لله

دورك جاى يافادونوس اصبرى

اسئلتى بقى

1 - حبيتى قبل كده؟ وان حبيتى كان اسمه ايه؟

2 - ايه اكتر حاجة تجرح شعورك وتزعلك

3 - ايه الصفة اللى فيكى اللى مش قدرة تغيريها

4 - احكيلننا اكتر موق محرج اتعرضتى ليه

5 - مين للى سماكى فدوى واهلك بيدلعوكى بايه

6 - ايه امنيتك يعنى بتتمنى تشتغلى ايه
ولا تحبى تقعدى فى البيت؟

7 - قولى اقرب 3 اصدقاء ولاد و3 بنات فى الكلية

بس دى اول دفعة

1 - حبيتى قبل كده؟ وان حبيتى كان اسمه ايه؟

ايوة مرة واسمة اشرف وربنا يصلح حالة يا رب
2 - ايه اكتر حاجة تجرح شعورك وتزعلك
لما حد يقصد يجرحنى او يحرجنى

3 - ايه الصفة اللى فيكى اللى مش قدرة تغيريها

انى عصبية جدا جدا وممكن انى اتنرفز بسرعة
وانى عنيدة لاقصى درجة
4 - احكيلننا اكتر موق محرج اتعرضتى ليه
لما واحد هزرت معاة وحرجنى قدام الشلة كلها
بس انا ولا كانى سمعت حاجة عشان يعنى احفظ ماء وجهى

5 - مين للى سماكى فدوى واهلك بيدلعوكى بايه
بابا ع اسم شاعرة فلسطينية
فودى فيفي

6 - ايه امنيتك يعنى بتتمنى تشتغلى ايه
انى اشتغل سكرتيرة
وبعد كدة يكون ليا مكتب استيراد وتصدير ليا لوحدى
ولا تحبى تقعدى فى البيت؟

لو اتلقيت ان بيتى محتاجنى اكيد حقعد
7 - قولى اقرب 3 اصدقاء ولاد و3 بنات فى الكلية
حاليا مش ليا اى اصحاب ولاد
اقرب بنت ليا ف الكلية اسمها رانيا

خلاص يااااااااااااا (قمر)
انا كدة تمام
واستنى دوووووووووووووورك

اوك يا عسل
مستنى

للاسف انا حكتبلك الاسئلة دى وحخرج لان النت رخم اوى بجد
وبكرة ان شاء الله اكمل البرنامج اللذيذ دة
1_انت يا ميدو تقيمك لنفسك اية
2_ممكن تبقي صحبك ع نفسك
3_عاوز تكون اية لما تتخرج
4_انسان طلب منك المساعدة وانت خذلتة
5_انسانة خانتك شوفتها هتعمل اية
6-حبيبتك شفتها مع واحد تانى حتعمل اية
7_قدامك امنية واحدة تحب انها تكون اية عشان تتحقق
8_اية الدعوة اللى طوال رمضان بتدعيها
9_الكلمات دى بتمثلك اية
الدنيا
الغيرة
الصداقة
البحر
الدين
مصر
والدك
والدتك
حياتك
حب
فشل
موت
10_حياتك عجباك ولا نفسك تغيرها
11_حاجة مش بتحبها ف نفسك وعاوز تغيرها
12_صفة انت بتحبها ف نفسك اوى

على فكرة والله الكهربا فصلت عندى خمس دقايق وجات
فبطلى واقعدى ساكتة خالص الا اللمبة التانية تتحرق
هههههههههههههههههههههه
ياقمر انتى

للاسف انا حكتبلك الاسئلة دى وحخرج لان النت رخم اوى بجد
وبكرة ان شاء الله اكمل البرنامج اللذيذ دة

اوكى فدوى وحتى عشان افكر فى اسئلة اجمد



1_انت يا ميدو تقيمك لنفسك اية

مافيش حد ينفع يقيم نفسه يافدوى فانا بسيب لموقف ده للناس اللى حواليا واصحابى



2_ممكن تبقي صحبك ع نفسك

اه طبعا لو محتاجنى وان ماكنش كده فنفسى اولا



3_عاوز تكون اية لما تتخرج

اكيد مبرمج كمبيوتر لانى بحب مجال الكمبيوتر اصلا وعشان كده باخد كورسات فى البرمجة
لانى ناوى اشتغل ان شاء الله السنة الجاية فى شركة تبع واحد قريبنا



4_انسان طلب منك المساعدة وانت خذلتة

والله مستحيل لنه فضلنى على ناس كتير وطلب مساعدتى فليه اخذله



5_انسانة خانتك شوفتها هتعمل اية

ولا اى حاجة ولا اكنى شوفتها حتى



6-حبيبتك شفتها مع واحد تانى حتعمل اية

اكيد لازم اعرف مين هو وان طلع قريبها يبقى خير وبركة انما لو كات غير كده اكيد هيبقى فيه كلام تانى خالص



7_قدامك امنية واحدة تحب انها تكون اية عشان تتحقق

ان بنا يسامحنى على اى حاجة عملتها ويغفر ليا



8_اية الدعوة اللى طوال رمضان بتدعيها

هم كتير بس اكتر العوات هم
اللهم اغفر للمؤمنين والمؤمنات والمسلمين والمسسلمات الاحياء منهم والاموات
يارب نجحنى وبتقدير كمان السنة دى
يارب اغفر لى ذنوب واشفينى من اى مرض وحش



9_الكلمات دى بتمثلك اية

الدنيا = مباراة كرة قدم مستنى نهايتها عشان اشوف مين اللى هيفوز

الغيرة = اوحش صفة فيا ومش عارف اغيرها لانى غيور جدا

الصداقة = احلى شئ فى الكون بس للى يستحقها

البحر = احلى واجمل مكان بقعد فيه وبحب اروحه لانى بعشقه اصلا

الدين= اهم حاجة فى الدنيا

مصر= بتمثلى كل حاجة واحلى بلد فى الدنيا

والدك= مثلى لاعلى لانى واخد منه صفات كتير

والدتك= اجمل شئ فى حياتى وربنا يسعدها اكتر من كده كمان

حياتك= صعب افرط فيها

حب= زى الصداقة بالظبط يعنى احلى حاجة فى الكون بس لما تلاقى حد يستحقها

فشل = اوحش شعور فى الكون ويارب ما اجربه

موت = الحزن اكيد وكلنا ميتين




10_حياتك عجباك ولا نفسك تغيرها

اكيد عجبانى بس لازم اغيرها ونفسى تتغير بس 150درجة مش 180
يعنى بمعنى اصح يتغير تلت اربعها



11_حاجة مش بتحبها ف نفسك وعاوز تغيرها

الشك لانى شكاك لابعد حد
وغيور لانى برضه غيور اوووووووووى


12_صفة انت بتحبها ف نفسك اوى

ان دمى خفيف وبحب الصداقة وطيب


منك لله يافدوى ايدى وجعتنى
بس اسئلتك روعة اشطات
انتظررى دورك بقى

1 - حسيتى بالياس قبل كده؟

2 - ايه اكتر شئ ندمتى عليه لما عملتيه وايه اكتر شئ فرحتى لما عملتيه؟

3 - اه اكتر 3حاجات انتى مفتقداها

4 - ايه رايك فى المنتتدى وايه اكتر حاجة عجباكى فيه واكتر حاجة وحشة فيه

5 - قولى القاب لكل الاعضاء بس ياريت ماتنسيش حد عشان مايحصلش زى الاسبوع اللى فات

6 - انتى بتسمعى كلام قلبك ولا كلام عقلك وايه المواقف اللى بتحتارى فيها عشان تختارى

7 - كلمة مش عايزة تسمعيها ابدا من اى حد

8 - اكتر كلمة نفسك تسمعيها

9 - انتى دخلتى الكلية برغبتك ولا برغبة حد تانى

10 - احكى لينا عن اكتر موقف ضحكك من قلبك بجد وبرضه موقف بكيتى فيه من قلبك

دى الدفعة التانية
عقبال التالتة

اولا ميرسي يا ميدو ع روردك لانى بجد حاسة انها صادقة جدا
1 - حسيتى بالياس قبل كده؟
لما جيت مجموع 90%ف تالتة وكنت علم رياضة
حسيت انها مش فارقة معاايا

2 - ايه اكتر شئ ندمتى عليه لما عملتيه وايه اكتر شئ فرحتى لما عملتيه؟
انا ع فكرة عمرى ما بعرف اندم ع حاجة عملتها انا كدة
اكتر حاجة فرحت لما عملتها ..............للاسف مش بقي عندى حاجة تفرحنى اوى

3 - اه اكتر 3حاجات انتى مفتقداها
ماما واحدة صاحبتى كنت فاكراها صاحبتى
بس

4 - ايه رايك فى المنتتدى وايه اكتر حاجة عجباكى فيه واكتر حاجة وحشة فيه
هو منتدى لذيذ جدا وانا كان بقالى فترة كبيرة بجد مش بدخل نت وددخلت عشانة بجد
واحلى حاجة فية ان فية روح صداقة حلوة وبحس كاننا عيلة
اوحش حاجة بقي مش في حاجة وحشة بجد لانة منتدى جااااااااااااااااااامد جداااااااااااااااااااا

5 - قولى القاب لكل الاعضاء بس ياريت ماتنسيش حد عشان مايحصلش زى الاسبوع اللى فات
كل الاعضاء
ربنا يسهل
ميدو:الكينج
دة عمرى:الملكة
ولاء:اميرة
نيس:مفكر
نيو:غامض
دودو:اميرة صغنتوتة
والله دول اللى انا فاكرهم ودول اللى بتعامل مع مواضيعهم
والباقي يا ريت مش ف حد يزعل منى لانى ممكن اكون مش عارفة احط ليهم القاب عشان بس مش يزعلو منى

6 - انتى بتسمعى كلام قلبك ولا كلام عقلك وايه المواقف اللى بتحتارى فيها عشان تختارى
انا ع طوال بفكر بقلبي لانى انسانة عاطفية لاقصى درجة
والمواقف اللى بحتار فيها لما بكون ف اختيار لحاجة

7 - كلمة مش عايزة تسمعيها ابدا من اى حد
كلمة فراق

8 - اكتر كلمة نفسك تسمعيها
انى كويسة والكل راضى عنى ومش ف حد زعلان منى

9 - انتى دخلتى الكلية برغبتك ولا برغبة حد تانى
لا برغبتى

10 - احكى لينا عن اكتر موقف ضحكك من قلبك بجد وبرضه موقف بكيتى فيه من قلبك
اكتر موقف ضحكنى اوى اوى لما بشوف حد مش بيفهم ويعملى فيها عريف
بجد بموت من الضحك
او لما حد يقول نكتة حلوة اووووووووووى
اكتر موقف خلانى ابكى لما ولدتى توفيت وحضرت الجنازة
وشوفت نزلتها ف القبر بجد اصعب موقف ف حياتى كلها
استحالة انى اقدر اعيش موقف تانى زية

اوكى يافدوى
ربنا يرحمها يارب ويرحم اموات المسلمين
وميرسى لكلامك العسل الجميل ده

شكرا يا ميدو
وتعاللللللللللللللللللللللللللللللللى بقي عشان نسالك كام سؤال صغنن كدة
1_لو فية حد قريب منك اوى اوى خانك هتعمل اية
2_احساسك اية لما حد يقولك انة مظلوم وانت اللى ظالمة مع العلم انت مش شايف انك ظلمتة
بس هو مصمصم
3_فية ناس كتير بيعدوا علينا ف الدنيا عمرك اتمنيت انك مش تكون قابلت حد
4_انت حاليا عايش قصة حب
ولو عايش احكيلنا التفاصيل
5_امتى اخر مرة حسيت ان الدنيا فاضية عليك ومش اتلقيت حد تكلمة
6_اية اجمل احساس ف الدنيا حسيتة ف يوم
7_لية الغش والكذب بقوا ف كل مكان رائيك اية
8_لو اتخرجت ومش اتلقيت شغل ممكن تسافر
9_احساسك بيكون اية لما تتظلم
10_انت هتسافر دلوقتى خد عضو معاك وحاجة واحدة بس

يلا يا امور خدلك الاسئلة دى عقبال ما افكرك ف شوية حلوين

شكرا يا ميدو
وتعاللللللللللللللللللللللللللللللللى بقي عشان نسالك كام سؤال صغنن كدة

على ايه يافدوى بس
وياللا بينا لم نشوف السئلة دى




1_لو فية حد قريب منك اوى اوى خانك هتعمل اية

انا بجد مش بحب الخيانة بس لو حصلت فيا
حرضهاله ( عاقبوا بمثل ماعقبتم به ) او هسمحوا لو كان غصب عنه




2_احساسك اية لما حد يقولك انة مظلوم وانت اللى ظالمة مع العلم انت مش شايف انك ظلمتة
بس هو مصمصم

بجد هتعب اوى وهصالحه بس لو هو على حق واذا كان واحد معانا وقاللى انا غلطان



3_فية ناس كتير بيعدوا علينا ف الدنيا عمرك اتمنيت انك مش تكون قابلت حد

اه فيه ناس كتير كنت بتمنى يروحوا من ذاكرتى خالص لان بسببهم عشت اسود ايام حياتى



4_انت حاليا عايش قصة حب

لا انفصلت بس لسه بكلمها عادى يعنى بس شلنا حكاية الحب من دماغنا خالص ( اصحاب وبس مع انى عارف ان ماينفعش اتنين كانو يحبوا بعد ويبقوا اصحاب)



ولو عايش احكيلنا التفاصيل

قلنا مش عايش بس بجد كانت احلى حاجة فى حياتى



5_امتى اخر مرة حسيت ان الدنيا فاضية عليك ومش اتلقيت حد تكلمة

انا دايما اصلا كده لانى عايش لوحدى
بس لما بكون زهقان بقعد مع احمد ونادر لانهم هم اللى بيقدروا يطلعونى من المود ده



6_اية اجمل احساس ف الدنيا حسيتة ف يوم

انى حبيت خر مرة دى
بجد كان احلى حساس عشته ومايتوصفش مع انه فى نفس الوقت كان فيع عيوب كتير



7_لية الغش والكذب بقوا ف كل مكان رائيك اية

لان اصلا مافيش حد بقى عنده ضمير



8_لو اتخرجت ومش اتلقيت شغل ممكن تسافر

اه طبعا لان قرايبى فى كل مكان فى الدنمارك والسعودية والكويت وايطاليا



9_احساسك بيكون اية لما تتظلم

بعيش اوحش وقت اتنى مش بحب الظلم لكن بقول حسبى الله ونعم الوكيل



10_انت هتسافر دلوقتى خد عضو معاك وحاجة واحدة بس

اكيد العضو هو احمد بركات
والحجة هى الماضى بتاعى كله عشان ارميه فى الطريق عشان مايرجعليش تانى


يلا يا امور خدلك الاسئلة دى عقبال ما افكرك ف شوية حلوين

ماشى ياعثل واستنى دورك

اسئلتى بقى يافدونوس
مستعة؟
اذن انطلقى

1 - ماعلش هقلب عليكى المواجع شوية
احكى لينا اتعرفتى على اشرف ده ازاى ومين اللى بدا ببحبك الاول وايه سبب الانفصال

2 - مامتك ماتت وانتى عندك كم سنة



كفايانا حزن بقى وندخل فى حوار تانى

3 - انتى عندك اخوات ؟ ولو عندك اساميهم ايه ؟ وعندهم كم سنة ؟ وبيدرسوا ايه؟

4 - انتى راضية عن نفسك وحياتك؟

5 - لو بقيتى رئيس جمهورية لمدة يوم ايه اللى هتعمليه

6 - ايه اجمل احساس عشتيه

7 - لو كنتى مكانى مديرة للمنتدى ده كنتى تعملى ايه زيادة عن كده

8 - لو هتروحى لكوكب تانى هتاخدى مين معاكى من اصدقائك ومن اعضاء المنتدى ( يكتفى بفرد واحد فقط فى الاتنين )

9 - مين كنتى تتمنيه بيست فريند ليكى فى المنتدى ( عضو وعضوة )
مين كنتى تتمنيه اخوكى فى المنتدى ( عضو وعضوة )

10 - احكيلنا شوية عن فدوى الانسانة بكل مشاعرها وهوايتها وكل حاجة فيها


بس كفاية عليكى كده دلوقت
فيه اسئلة كتير
ماتقلقيش

1 - ماعلش هقلب عليكى المواجع شوية
احكى لينا اتعرفتى على اشرف ده ازاى ومين اللى بدا ببحبك الاول وايه سبب الانفصال
ولا تعب ولا حاجة
هو كان بيقعد ف السيبر اللى انا كنت بقعد فية اخدت ايميلى اتكلمنا حسيت انى بحبة قالى انة بيحبنى
ارتبطنا وف الاخر اكتشفت انى مجرد حاجة يتسلى بيها لانة اصلا كان تقريبا خاطب واحدة قريبتة
بسسسسسسسسسسسسسسسسسسسسسسسسسس

2 - مامتك ماتت وانتى عندك كم سنة
15 سنة

كفايانا حزن بقى وندخل فى حوار تانى

3 - انتى عندك اخوات ؟ ولو عندك اساميهم ايه ؟ وعندهم كم سنة ؟ وبيدرسوا ايه؟
رضوى 22سنة مخلصة بكالريوس تجارة
احمد20سنة تالتة تجارة
محمد16سنةاولى ثانوى

4 - انتى راضية عن نفسك وحياتك؟
لا نفسي اغيرها كلها

5 - لو بقيتى رئيس جمهورية لمدة يوم ايه اللى هتعمليه
مش ينفع لانى نفسى اعلم حاجت كتيرة جدا جدا جدا
اشيل الظلم من ع الناس
ابطل الكوسة والمحسوبية والواسطة وحاجات كتير اوى اوى

6 - ايه اجمل احساس عشتيه
لما اختى اتخطبت

7 - لو كنتى مكانى مديرة للمنتدى ده كنتى تعملى ايه زيادة عن كده
بامانة مش هزود عنك ولا حاجة نهائي
لانك بجد مدير ناجح جدا جدا

8 - لو هتروحى لكوكب تانى هتاخدى مين معاكى من اصدقائك ومن اعضاء المنتدى ( يكتفى بفرد واحد فقط فى الاتنين )حاخد دة عمرى
وواحدة صاحبتى اسمها رانيا

9 - مين كنتى تتمنيه بيست فريند ليكى فى المنتدى ( عضو وعضوة )ميدو ودة عمرى
مين كنتى تتمنيه اخوكى فى المنتدى ( عضو وعضوة )نيس ودودو

10 - احكيلنا شوية عن فدوى الانسنة بكل مشاعرها وهوايتها وكل حاجة فيها
اوك يا ميدو انا بنت عندى 18 سنة بحب النت والاراية وساعات بحب اسمع ميوزك
انا ف ناس بتقول عليا طيبة اوى بس انا حاولت ابطل الموضوع دة وبردو ش عارفة لان دة بقيت صفة فية
انا غيورة جدا ع اللى بحبة بس لو عرفت انة كان بيتسلى او بيلعب بية ييبقي حلال اللى حهعملة فية
نفسي اكون شغل خاص بيا واحاول ان يكون ليا كرير ومستقبل مهنى ليا زمايل كتير جدا لدرجة ان ف ناس بتسلم عليا وبتكلمنى وانا اصلا مش عارفة هما مين مش ليا الا صاحبة واحدة وربنا يخليها ليا يا رب
اهلى هما كل حياتى وربنا يعنى واعرف اسع كل اللى حواليا
انا رغيت كتير اوى يا ميدو
وبجد انا اللى ايدى وجعتنى
وانتظر دورك يا عثثثثثثثثثثثثثثثثل

ميرسى ليكى على الكلام الجامد ده يافدوى

1_شوية اغانى حقولك عليهم وتقولى حسيت باية وانت بتسمعها
المرايا شرين
انت منى يا را
افتكرت حماقي
ناويها حماقي
يا بنت الاية تامر
الليلة دى عمرو

2_احساسك اية لما تكون وسط ناس وحد منهم يجرحك
3-يحصل اية لما تعرف ان ف حد من اصحابك بعد الشر يعنى مات وانت مش تعرف
4_انت واقف واتلقيت واحدة جت اقلتلك بحبك هتعمل اية
5_اختيارك للي بيسعدوك ف المنتدى بيكون ع اساس اية
6_عمرك حبيت بنت قبل كدة وصرحتها وقالتلك خلينا اخوات
7_لو بقيت رئيس جمهرية هتعمل اية
8_قول رائيك ف الاعضاء دول
فدوى
نيس
نيو
نادر سمك
احمد بركات
دة عمرى
دودو
ولاء
راجيا
9_بتحب مين كتر باباك ولا والدتك
10_كلمنا عن حياتك واخواتك