انا جيت بس اتكلم عن واحد مهما عدت بينا السنين لا يمكن ننساه
مهما قولت ومهما قعدت اقول عمر كلامى ماهيرجعه تانى
انا جبتلكم حوار ماتش الصفاقسى بعد وفاته
يلااااااااااااااا
الزمان:الدقيقه 92 من مباراة نهائىرابطة الابطال الافريقيه (الاهلى المصرى /الصفاقسى التونسى)
الحدث :شادى محمد استلم الكوره وهم انه يمررها كالعاده لاحدلاعبى وسط النادى الاهلى..........
واذا بصوت يعرفه جيدا شادى يهمس له:لا يا شادى مفيش وقت للتمريرات القصيره دى خلاص الحلم هيروح....ارميها طويله ناحية جون الصفاقسى.....
شادى:مين...الصوت ده انا عارفه كويس... مستحيل....محمد...محمد عبدالوهاب... انت معانا فى الماتش ولا ايه.....
عبدالوهاب:مش وقته ياشادى... الوقت الضايع ...ارميها بقه ده اخر امل ....
شادى مكدبش خبر ورماها بعزم ماعنده باتجاه منطقة جزاء الصفاقسى....
متعب شاف الكوره جاية باتجاه بس مجنحه ناحية الشمال شويه وواحد زى النخله واقفله وواحد تانى مغطى عليه....
متعب جاله احباط من الموقف وكلم نفسه وقال هى ناقصه احباط دا احنا فى الوقت الضايع اللى فات نصه تقريبا...
واذا بصوت ينادى على متعب ويقول:متترددش متترددش.... اعمل اللى عليك والباقى على ربنا.....
متعب مندهشاااااا:... اييييييييه ده.... مين عبدالوهاب...ايوه دا صوته....ودى كلمته اللى مش هنساها ابدا....
عبدالوهاب:ياله يامتعب متخليش الواد المدافع ده يلمسها ... بسرعه متعب من غير تفكير يقفظ بكل قوته وكأنه مارد ويضرب الكره باتجاه (امادو فلافيو)
فلافيو شاف الكوره جايه باتجاهه لكنها اقرب من المدافع اللى جنبه واذا بالصوت الكبروك ياتيه ويقول
ياله يافلافيو.... ياله يانجم المباراه... خدلك خطوتين قدام المدافع لعل وعسى تكون خير
فلافيو لما سمع الصوت اللى يعرفه جالته صدمه ومعرفش يعمل حاجه....
بس الحمدلله الصدمه جاتله فى الكلام بس لكنه عمل بالوصيه واخد خطوتين وراح مصلحها بدماغه لابوتريكه
وهنا تبدء الحكااااااااااااايه.......
لقاااااااااااااااااااء الاحبه
ابو تريكه وعبد الوهاب
ابو تريكه بص لقى الكوره باتجاههواذ به بدلا منان ينظر الى الكره ينظر الى السماااااااااء..... وقال....
ياااارب... ياااارب.... انصرنا عليهم يارب....هب لنا هذا الكاس يارب.....نهديها لروح اخونا وحبيبنا عبد الوهاب.....
واذا بصوت عبدالوهاب ياتيه ويقول:::فيك الخير يابو تريكه.... صحيح العشره ماتهونش الا على ابن الحرام.....
(ابوتريكه والدمعه هتفر من عينه):ايه ده ...ايه اللى انا سامعه ده...عبدالوهاب....لا اله الا الله
عبدالوهاااااااب:مستنى ايه ياراجل....الكوره مظبوطه على رجلك يا ابوتريكه.....
شوط زى عاويدك وحقق حلمك وحلمى وحلم ملايين الاهلاويه والمصريين.....ياله يا ابو تريكه.....
ابوتريكه: بس ياخساااااره ياعبدالوهاب لو جايه على يمينى مكنتش هستنى...بس المره دى جايه على شمالى...وانت عارف انى مش اشول......
عبدالوهاب (بلهجته المعتاده):ياعم قول ياباسط....وياله رجلى برجلك.....ولا نسيت ان اخوك اشول......
تريكه:انسى؟؟؟؟.مستحيل انساك يا اغلى الحبايب....
عبدالوهاب:طيب ياله اتوكل على اللى خلقكومد رجلك مع رجلىوشوط.....
وشاط ابوتريكه وكأنه مولود اشول لاتقولى كارلوس ولا ابو زيد......
الجواشى شاف الكوره جاياله زى الصاروخ وقال بالمصرى:يالطيف اللطف يارب........
الكوره من قوتها كانت هتاخد الجواشى معاهاوهى داخله الجون....لدرجة انها دخلت الشبكه ورجعت الملعب تانى..
جرى ابوتريكه باتجاه حسام البدرىولما حضنه راح يبص شمال ويمين.....
فاذا بحسام البدرى يصرخ :ويقول شالو الصوره ...شالوا الصوره
(البدرى كان بيحسب ان ابو تريكه بيدور على الصوره اللى كان التوانسه راسمين فيها ابوتريكه لابس فرعونى....راكع وبيسلم الكاس....للملك الصفاقسى...
لكن ابوتريكه ماكنش بيدور على الصوره ......كان بيدور على عبدالوهاب....فاذا به يرىوجهه يتلاشى فى الافق وينادى
موعدنا الجنه يا اوفى الاوفياء..... موعدنا الجنه يا اوفى الاوفياء)
وانخرط ابوتريكه والملايين من المصريين فى البكاااااااااااااااااء
فى قلوب مهماااا هتنساهاااا
هتعيش تلقاها.. دايما فكرااااااك
شكراااااااااااااااااااااااااااااااااااااااااااااااااااااااااااااااا
السبت 3 مايو 2008 - 16:52
