نظيف : بدء العام الدراسي الجديد 20 سبتمبر

أعلن الدكتور احمد نظيف رئيس مجلس الوزراء أن العام الدراسي الجديد سيبدأ كما هو متفق علية في يوم السبت 20 سبتمبر ، وهو ما يتوافق مع العشر الأواخر من شهر رمضان المبارك

وقال د. نظيف إن تحديد موعد العام الدراسي الجامعى يتم من خلال المجلس الاعلي للجامعات .

وأكد الدكتور أحمد نظيف رئيس مجلس الوزراء أن الحكومة استعدت لاستقبال شهر رمضان المبارك بتوفير السلع اللازمة للمواطنين وبذل أقصي جهد لتحقيق توازن في الأسعار مع توفير البدائل التي تخفف العبء عن الأسر المصرية خاصة محدودي الدخل ومراعاة تزامن شهر رمضان مع العام الدراسي الجديد ما يمثل عبئا إضافي على الأسرة المصرية .

انا رأيي كانو يأجلو الدراسة لبعد العيد
ما جاتش يعني على الكام يوم دول نروح و احنا صايمين في الحر

و ربنا يستر علينا و على اهالينا في دخلة رمضان و في الغلا دا

عايزة رأيكم في الموضوعين يا شباب
معاد بدأ الدراسة
و دخلة رمضان في نفس الوقت و الحاجة بتغلا كدة

محدودى دخل ايه والنبى
يقول معدومى الدخل
يعنى انا بالنسبه لميعاد الدراسه
كنت اتمنى انها تبقى بعد العيد
لان تقريبا المدارس بعد الاجازات مش هتبقى شغاله غير 6 او 7 ايام
يعنى ماجتش عليهم
اما الاسعار فلا تعليق
لانهم دايما يقولولك الكلمتين دول:
تبذل الحكومه جهدها لتوفير السلع للمحدودوى الدخل
وبعديها يا عينى الاسعار بتزيد
فربنا يقوى الناس دى ويرزقها
علشان يبقى شهر مبارك على الجميع
اللهم امين
يسلمووو يا ميدو على الخبر

على فكرة حكاية بدء الدراسة دي حاجة عادية

هو اول او اخر قرار ذكي الحكومة هتاخده

معناها ايه اننا نقعد اسبوع في الدراسة وبعدين الاجازات تبدأ

وكمان البداية دي في اواخر رمضان يعني افضل ايام رمضان

وانا بالنسبة لي طبعا مش رايح الكلية غير بعد العيد

انما المشكلة في الناس اللي لسه في المدارس

ربنا يكون في عونهم

كلنا اكيد يا نيو مش هنروح الكلية الا بعد العيد
وكمان ربنا يكون فى عون الابهات
ان والله ماهطلب من بابا اى حاجة فى الفترة دى عشان مايكونش حرام عليا