استفتاء الاسبوع 6 هل توافق على زواج الاقارب

النهاردة فيه موضوع مهم لازم نسمع اراء وتصويتات الكل
وهى زواج الاقراب
فيه ناس بتعترض وناس بتوافق
انتم ايه رايكم

لا اوافق
لان جواز الاقارب بيحدث مشاكل دايما
واذا كنت عايزه حاجه قبل الجواز(شبكه مثلا)
يقولولك ده احنا اهل وعائله وهو مش هيسيبك
ده احنا اهل
كما ان فى ناس مبيحبوش عائلتهم
الاب والام عادى
انما بيكون فى ناس تانيه بتكرهك وانت بتكرهم
يعنى مثلا عمتك سورى فى اللفظ(لئيمه او فيها حركه خبث)
وانت رايح تخطب بنتها وانت بتكرها
هيحدث مشاكل ما بين مامتك وعمتك دايما
وانت مش هيعجبك الامر فهتطراه انك تسيبهم
فا انا لا افضل زواج الاقارب
nooooooooooooooooooooooooooooooooooooo

بص يا ميدو
زواج الاقارب او مش اقارب فهو فى الاخر اسمه جواز
والزوجين بيقفلو على حياتهم (المفروض) بتبقى ليهم حياه خاصه بعيد عن
العيله ومشاكلها
الكلام اللى انا بقولو ده مش بيبقى على طول
يعنى من الاخر زواج الاقارب سلاح ذو حدين
اما بينجح و بيفشل
بس برده النجاح او الفشل بيرجع للزوجين
جواز الاقارب حلو بقى فى ايه
انه الزوج هيعمل حساب للعيله بتاعته
وهيعمل حساب انها قريبته قبل اى حاجه تانيه
يعنى عمره ما هيفكر انه يقذيها
ولو حصل انفصال عمره ما هيتكلم عليها
مهى مهما كان قريبته
وفى اغلب الاحوال جواز الاقارب بينجح
حتى ولو فشل ضرره مش زى ضرر الجواز التانى
اما بقى عن كلام دودو
انا بقول دى مسئوليه الزوجين
المفروض محدش يدخل فى حياتهم حتى ولو كانو قرايب
دى وجهة نظرى
ومجبتهاش من فراغ
لو حد عنده انتقاد يقولو
انا مش هزعل
ها.....

بص انا مش مع ومش ضد
وبعيد عن الكلام اللى اتقال
فى مشكله اخطر واكبر من المشاكل العائليه
وهى الامراض الوراثيه
دى بجد بتبقى اكبر وملهاش حل
يعنى المفروض هوا المفروض
بتبقى فى تحاليل قبل الجواز
ليهم بس فى الغالب مابتتعملش
وبصراحه انا شوفت 2 قرايب اتجوزوا
واولادهم ربنا يشفيهم
فى نفس الوقت ناس اعرفهم متجوزين واصحاء جدا
واولادهم كمان كويسين
يعنى مش دايما
بس هى دى النقطه الخطيره فى زواج الاقارب
اما بقى
من ناحية تانيه فهو جواز عادى يعنى فى ناس بتقول
اللى نعرفه احسن من اللى مانعرفهوش
وفى بيبقى حب
تدخلات الاهل لازم تحصل
علشان بيبقى فى عشم من الطرفين
وبيبقوا عارفين ظروف وامكانيات بعض
ده بالنسبه لترتيبات الفرح
او خصوصياته
فاكيد الجواز بيبقى عادى
فيه الحلو والوحش
فيه الحزن والفرح
زى اى 2 متجوزين
اكيد هيخاف عليها بحكم انها قريبته
وقبل ده كله مراته
يعنى لو واحد مثلا مش متجوز قريبته
مش هيتقى ربنا فيها
خالص طبعا
لان فى حاجه بتربطهم اقوى من القرابه
وهو الزواج
يعنى اختارته واختارها فلازم يراعى ربنا فيها
فى كل شيئ
فالعيب الوحيد هوا الامراض غير كده
فا من وجهة نظرى هوا جواز عادى
يعنى زى ماقالوا فوق زياده عليه
الوراثه بس مش اكتر
موضوع كويس يا ميدوووو
وتقبل مرورى ووجهة نظرى

صح يا عمرى انا معاكى فى رايك
فهو جواز عادى زى اى جواز
بس عيبة الامراض الوراثية بس مش بتحصل مع الكل
بس اكيد طبعا بيبقى احلى لان زى ماعاشقة قالت
انه الزوج هيعمل حساب للعيله بتاعته
وهيعمل حساب انها قريبته قبل اى حاجه تانيه
يعنى عمره ما هيفكر انه يأذيها
ولو حصل انفصال عمره ما هيتكلم عليها
بس

ع فكرة انا بابا وماما قرايب

معلش ليا تعديل بس لو مش هيضايق حد
سواء قريبته او لا فهى مراته
يعنى لو ماكملوش مع بعض فى يوم من الايام
عمره ماهيتكلم عليها
لانها كانت عرضه مش علشان قريبته
وبعدين لكل قاعده شواذ طبعا
وحكاية بقى انه عمره ماهيأذيها فدا بردو غصب عنه
هو قبل وهو اللى اختار انها تكون مراته عمره ماهيأذيها
الا لو غلطت وغلطتها ماتتغفرش
فى الحاله دى لا بيراعى انها قريبته او لا
يعنى مش هتكون مثلا غلطانه
وغلطتها المفروض ليها عقاب
هيقول لا دى قريبتى
انا اقعد ساكت
لا طبعا
فيعنى خلاصة ده كله
انه جواز عادى لازم يحافظ على مراته ويحميها ويخاف عليها
سواء قريبته او مش قريبته
فالطبيعى انه هيحافظ عليها علشان مراته مش قريبته
لان العلاقه اللى بينهم وهى الجواز حاجه مقدسه
اكتر بكتير من علاقة قرابه
وجهة نظرى المتواضعه جدا جدا

انا بقي شايف

ان الانسان يتجوز الانسانة اللي يحس انها هتكلمه

واللي هتقدر تعيش معاه باقي حياته وموضوع بقي انهم يكملوا اولا لاء

فمحدش يقدر يعرف الا ربنا سبحانه وتعالي

ومحدش بيبقي داخل يتجوز وهو عايز ينفصل اصلا

في عائلات قريبة جدا من بعضها وجواز القاريب فيها شي عادي وبيستمر

وفي عائلات متعرفش بعضها اصلا فطبعا الجواز هنا بيبقي معرض للفشل اكتر

المهم اني صدعتكم واكيد محدش فهم حاجة