استفتاء الاسبوع 5 هل تعترف بمبدا الحب من اول نظرة؟

طبعا يا جماعة احنا بنسمع كتير عن الحب من اول نظرة
فهل صحيح فيه حب من اول نظرة
ولا قليل
ولا مافيش اصلا كده خالص
يايت نسمع الردود والتصويتات
وميرسى ليكوااااااا

مشكووووووووووووور اخيييييييي الغاليييييييي

الحب من اول نظرة مش صح هو بيبقي الاول اعجاب ويمكن يتقلب حب ويمكن لاء بس هو بيبقي اعجاب اكتر من حب وحسب بقي بعد كدا

وشكرا ليك يا ميدو

انا عمرى ما مريت بتجربة الحب اصلا
لكن بصراحة بيتهئالى
مفيش حب من اول نظرة علشان احب انسان لازم اعرفة واعرف طباعة
وهو كمان تعجبه طباعى وتتوافق معايا
يعنى اكيد هيكون بيحب الحاجة اللى بحبها
يعنى مش معقول هكون بحب حاجة زى
مثلا ان اعمل خير فى حد وهو يكون مش بيحب يعمل حاجة مش هتعود علية بمصلحة
يعنى يا جماعة باختصار
اللى بيحب حد بيحب طباعة وبيحب روحة
هتقولوا روحة يعنى اية ؟!؟!
هقولكم الروح مجموعة من المشاعر
يعنى نقدر نقول ان المشاعر بنات الروح زى ما الافكار بنات العقل
انا وجهة نظرى
ان كل انسان مش فرق يكون شاب ولا بنت
هو مجموعة من المشاعر والمجموعة دى هى اللى بتكون الروح
لما المشاعر اللى هية بنات روحه توافقنى ساعتها اقولان روحة وافقتنى
وساعتها ممكن احبه وممكن اقراء
مشاعرة لما يكتب افكارة يعنى معنى كدة
اقدر احب انسان من كتاباتة لانها افكارة اللى بعبر منها عن مشاعرة
اللى هتوافقنى او .............
واخير انا بقول اننا بنحب مجموعة من المشاعر فى شخص معين
مش مهم طويل ولا قصير
شعرة ناعم ولا خشن
لونة اسمر ولا ابيض
عرفتوا لية انا مش بعترف بمبدا الحب من اول نظرة؟؟؟
على فكرة كتير سمعنا عن بنات او شخصيات بتحب الكاتب من كتاباتة
مع انها مشفتوش
يعنى بكدة الحب مش من اول نظرة
(يعنى بااختصار الحب من اول نظرة مشاعر مش
صادقة لانها مش مبنية على اساس صح)

بص بقى
انا اصلا مش بقتنع غير بالحب من اول نظره
او ادق هو بيبقى اعجاب الاول وبعد كده يجى الحب
بس لازم اللى احبه يكون خطفنى من اول نظره
وبعدين يا لؤلؤه
قمه الحب انك تحب حد بيعيوبه وبطباعه
لا ده لدرجه انك تحبى العيوب دى علشان خاطره
بس بجد كلامك جميل جدا
اما بقى غير كده ده بيبقى مجرد تعود
يعنى شخص ارتحتله فهمته وفهمك كده يعنى
وبيجيلك احساس انك بتحبه فعلا
بس مجرد انك تلاقى حد تحبه بجد بتنسى الاولانى
هو ده رأيى من وجهة نظرى المتواضعه
كل واحد حر ى رأيه

انا معاكى يا لؤلؤة
هى تقصد يا عاشقه ان حب من اول نظره مش مقنع ومش بيبقى حب
يعنى مجرد اعجاب زى مابتقولى
ان يشدك مظهره الخارجى
او بتبقى اول خطوه
بعد كده ممكن طباعه وشخصيته متعجبكيش
فى الحاله دى هتحبيه علشان مظهره ؟؟؟!!!!
يعنى انتى بتقولى اللى بيحب حد بيحبه بعيبوبه
لا طبعا مش صح
علشان العيوب دى بعد كده بتعمل مشاكل
واولها عدم التفاهم
وبالتالى حبهم هيضيع ده لو كان حب اصلا
اه زى ما بيقولوا مراية الحب عاميه
بس الانسان الطبيعى اللى بجد بيدور على سعادته
لما بيختار حد بيختار بقلبه الاول
وبيمشى وراه وورا احساسه ومشاعره
لكن الخطوه اللى بعد كده بيختار بعقله
يعنى بيفكر هل الشخص ده هقدر استحمل طباعه وعيوبه
وبيبدء يشوف ايه اكتر حاجه فيه
الصفات اللى مش بيحبها ولا الصفات اللى بيحبها
اكتر وعلى الاساس ده بيختار
علشان يبقى صريح مع نفسه
ويواجه الامور اكتر ومايعرضش نفسه فى يوم انه يتجرح
انما فى بنات كتير بيحبوا اه معاكى
بيحبوا الشخص التانى بعيوبه
بس بعد كده بيندموا
ده رأيى
انا طبعا مش موافقه على الحب من اول نظره
لانه بيعتبر اعجاب
ده رأيى المتواضع جداااااااا جداااااااااا
غير قابل للمناقشه والا.....
هههههههههه
لا طبعا
اللى عنده اى كلام يقدر يقوله واهلا بيه
انا بس بهزر

وانا قلت برده يا عمري انه بيبقى اعجاب مش حب
لكن اللى انتى بتتكلمى عليه ده
ده يبقى جواز
انا بتكلم على الحب بس
الجواز لازم يبقى فى تفاهم
لكت الحب بيبقى كده
بيجى كده بدون اى مقدمات
يعنى انا اقصد مش لازم تعرفى صفات اللى قدامك علشان تفكرى تحبيه ولا لا
الحب بيجى بدون تفكير
واعتد ان الفرق واضح بين الحب والجواز
ولا انتى شايفه ايه؟

انا عارفه انك قولتى انه اعجاب مش حب يا عاشقه
انتى بتقولى انك اتكلمتى عن الحب بس
وانى بتكلم على الجواز وان الواحد مش لازم يعرف صفات شخص علشان يحبه
اوكى
بصى يا ستى
اه الحب بيجى كده ومحدش بيعرف جاله ازاى ولا منين
بس بتعرفى منين انه حب
ماهوا من انك لاقتى حاجه فى الشخص ده شدتك
زى اخلاقه او احترامه او ادبه صفاته عموما
يعنى مش بتبقى ماشية ينزل وحى يقولك الشخص ده بتحبيه كده وخلاص عافيه
لا طبعا
انتى الاول بتحسى انه قريب منك.. فاهمك..فيه منك
انما حكاية الجواز
ده كان رد على كلامك ان قمة الحب هوا انك تحبى حد بعيوبه وان الفرق واضح بين الحب والجواز
فانا قولتلك لا طبعا لان الحب ماهوا الا خطوة اولى
وبعد كده بيجى الجواز او انهم يرتبطوا ببعض
بتهيألى الانسان بيحب شخص علشان يكمل معاه ويعيش معاه على طول ولا ايه؟؟؟
يعنى فى علاقة بين الحب والارتباط
وده كان كلامى بعيدا عن انه حب ولا اعجاب
يعنى مجرد تكملة كلام
انما الحب شيئ والجواز شيئ تانى
يمكن للى عايزين يحبوا وخلاص
لكن فى ناس بتبقى نظرتهم مستقبلية شوية
ده اللى انا شايفاه
واللى من وجهة نظرى
والخلاف فى الرأى لا يفسد للود قضية يا عاشقة ولا ايه
كلامى كله مجرد توضيح
ويسلمووووووو ليكى

انتى كلامك صح يا عمري
مفيش خلاف على كلامك
بس خلافى الوحيد معاكى
انك بتقولى لازم يكون فى تفاهم وبعد كده يجى الحب
واحيانا يا عمري على فكره بيبقى فى تفاهم بس مفيش حب
وانا بقول مش شرط يبقى فى تفاهم الاول
ممكن التفاهم يجى بعد الحب
يعنى لما يحبو بعض اوى هيقدرو يتكيفو مع بعض
ويفهمو بعض
اما بقى لو كان فى حب بس من غير تفاهم او بدون مقومات تنمى الحب ده
هنا بقى الحب ينهار
بس هو ده اللى انا اقصده
واكيد طبعا انا وانتى مش هنختلف فى الرأى كتير
صح..

اكيد يا عاشقه
بس انتى فى ايه بتقولى
ان ممكن التفاهم يجى بعد الحب
وفى ايه تانى بتقولى ان لو فى حب ومفيش تفاهم الحب ده بينهار
وبعدين اه الحب بيجى الاول
بس ازاى تحبى حد مش فهماه
ومش متوافقه معاه فى اى حاجه
بس ده رأيى
وخلاص كفاية كلام فى الموضوع ده
لان كل واحد برأى وده شيئ طبيعى
ههههههههه
والله اتخنقت من الموضوع ده يا ميدوووو
ربنا يسامحك
ويا عاشقة شيئ طبيعى انك تختلفى فى موضوع ما
مع شخص ما
يعنى عادى
ويسلموووووووو على رايك يا عاشقه

شئ طبيعى انى اختلف مع ناس كتير فى مواضيع كتيره
بس مش هختلف معاكى
لان تقريبا تفكرنا واحد
ولا انتى شايفه ايه؟
على العموم كفايه بجد ردود لانى انا كمان تعبت

والله ياجماعة خلاصة الموضوع
ان اللى بيحب من اول نظرة بيندم ندم عمره
واسالونى انا
ومهما حبيت الشخص ده بحسناته وعيوبه هتتعب معاه كتير
بس بجد خسارة اى واحد يضيع نفسه و حياته عشان حد حبه من اول نظره