مــذكــراتــ طــالــبــ ثـــانـــوي

السلام عليكم

، والله الحمد لله بعد النتيجه ، ودي موسوعة اسمها "مذكرات

طالب ثانوي" ، عشان برضه اللي بيكره التعليم الثانوي والثانوية العامة يعرف

إن لها مميزات وهي إن الطالب بعد ما بيتعقد بيكتشف مواهبه وبيبقى ليه

القدره ع الإبداع (ظالمين التعليم والله) ، والموسوعه دي ليها بطل اخترته

اسمه"محمد جابر" (ادعوله دلوقتي يا رب ينجيه ويطلعه من العباسية

ويقضي عقوبة المؤبد بسرعة عشان يشاركنا الاراء برضه) ، والنهارده الحلقه

الأولى :

اكشن :

يحكي "محمد" قائلا : دايما قبل موسم الإمتحانات تيجي عبارة معررفة وكانت

(خانقة أهلي) ، ومن قبل ما تبتدي الدراسة أصلا تلاقي العيال الغلسة بيقولوا:

(ياابني اللي ذاكر ذاكر) ،

وأنت داخل الفصل ، وأنت داخل البيت أبوك يرميها في وشك(اللي ذاكر ذاكر) ،

بس بصراحة اللي عقدني منها بجد الولة"محمد جاد" زميلي في ثانوي ،

وكان "جاد" ع طول بيقعد ادامي في اللجنة والواد ده اساسا كان أحول ونظره

ضعيف وكان ع طول بينقل جدول الامتحان غلط بالمقلوب يعني أتفاجأ مثلا

في امتحان الانجليزي انه بيراجع في كتاب عربي ، وأقوله : يابن الايه يا وله

يا "جاد" لحقت خلصت الانجليزي ودخلت ع بقية المواد ، جامد يلة يا "جاد" ،

يبصلي في استحقار ويقولي Sad

اللي ذاكر ذاكر) ، وادخل الامتحان واتفاجئ انه

يقعد يبص في الورقه يمين وشمال وفوق وتحت ويبدأ في الحل وتبدأ دماغي

تصدع ، يهمس لي : جابر سؤال النحو ؟ ، : نحو ... نحو ايه يابني ؟؟! ،

ويدخل امتحان الفلسفة : جابر عايز منقلة ، : منقلة ايه يابني حرام عليك ،

ييجي المراقب :ما تساعد صاحبك يابني ، اقوله : يا مستر ده امتحان فلسفه

وهو عايز منقلة ، (ويظهر المراقب كان زيه) : وفيها ايه يابني ما تديلوا

واليوم اللي ذاكر فيه صح دخل لجنة تانية واتكتب غياب ، واللي يفرسك انه

ييجي اخر السنة يقول : نجحت نجحت ويكون ناقل درجاتي اساسا ،

ويقولي : معلهش بقى يابو جابر تعوضها السنة الجاية ، والاشاعة تنتشر

وكل واحد يقولي : ذاكر كويس بقى ، وابويا يجيب مدرسين في المواد اللي

سقط فيها"جاد" ( الله ينتقم منه)

وبعد التخرج ألاقي "جاد" واقف في "سايبر": ايه يا معلم المحل ده بتاعك ؟ ،

يقولي : ااه ، ابويا بعد ما تفوقت في الثانوية العامة فتح لي "سنترال" ....فعلا

( اللي ذاكر ذاكر )

ادي اخرة التعليم

مــذكــراتــ طــالــبــ ثـــانـــوي 27

انا اللي جبت ده كله لنفسي

مــذكــراتــ طــالــبــ ثـــانـــوي 27

جامد كيك
واللى ذاكر ذاكر
ههههههههههههههه
ميرسى ليكى وتقبلى مرورى