استفتاء الاسبوع 3 هل تؤيد تشغيل خدمة الرسايل الخاصة فى المنتدى؟

يا جماعة
الموضوع ده لازم نتكلم فيه
لان كتير من الاعضاء ولاد وبنات طلبوا منى انى اشغل الرسايل الخاصة
عشان عايزين يتعرفوا ع بعض اكتر وومكن يفيدوا بعض اكتر


بس للعلم يعنى عشان اللى خايف
الرسايل الخاصة مش ممكن اى حد يتجسس على رسايلك
ولا حتى مدير المنتدى
يعنى رسايلك ليك وبس


فياريت لموافق يقول اه واللى مش موافق يقول لا

لان باكبر نتيجة للتصويت حاعمل طلبكم

يعنى لو موفق اكتر حشغلها
ولو غير موافق اكتر مش حشغلها

اوكشن؟؟؟
مستنى التصويتات بقى

والله يا ميدو احنا ممكن نتعرف على بعض من غير رسايل خاصة على المنتدى ودى احسن حاجةعجبانى فى المنتدى
اى حد عايز يتعرف على حد على المنتدى فى العلن وبعدين علشان نمنع اى غلط يحصل فى المنتدى
من معاكسات واعلان عن منتديات اخرى وبعدين اللى داخل علشان الرايل الخاصة بيبقى معروف مبيشركش فى المنتدى و
على طول تلاقية فى الرسايل الخاصة بيبعت ويستقبل
انا من راى بلاش احسن
تقبل راى يا ميدو

ميرسى ليكى يا لؤلؤة
بس فيه اعضاء احتاجوا منى ده
وانا مابحبش ازعل حد
فقلت اعمل استفتاء واشوف النظام

انا عن نفسي موافق على الموضوع واتمني ان كل الاعضاء يستخدموها في اللي يفيد

وشكرا ليك يا ميدو على الاهتمام

ميرسى للرد والمرور نيو

صدقني مش فارقة ميدو اعمل اللي عايزة الاعضاء
والاغلبية برضة يمكن حد عايز حاجة من حد
ولا حاجة طلب او تعارف فاعملها او مش تعملها
براحتكوا بقي تحياتي barakat

رساااااااااااااايل خااااصه ايه بس
الى عايز رسايل خاااصه يروح يعملها عندهم ف الداااااااااااار
ياجماعه احنا هنا اخواااااااااات يعنى مفيش اسرااااااااااار
يعنى مفيش رسايل خااااااااااااااصه ولا خاصه النص حتى
الى عايز يقولى اى حاجه يقولهاااااااااااااااااااااااااااا........
نص ايه (نص ريال) ريال ايه (ريال ده عمر) عمر ايه( عمر الحريرى) حريرى ده ايه ( حريرى ده قميصى ).............
ههههههههههههههههههههههههههههههه
النجم (نادر سمك) اخر واحد معارض الرسايل الخاااصه

لا يا ميدو اانا مش مع الناس اللى عاوزين الرسايل الخاصه دى خالص

انت تخرس يا نيس
انت من اول الناس اللى اقترحت عليا
صح ولا لا يا هجاص؟

والله ياميدو كنت لسة هقولة اول واحد قال افتح
دلوقتي جاي يقول مش عايز وتلاقية صوت فوق للفتح
ماشي ياعم نييييييييييييييييييييييس
انا برضة مش هختار اختااااروا بقي
تحياتي barakat

انا مش موافقة
لان الشباب بيستخدموها غلط

ماشى يا عم ميدو
انا مش معاك دلوقتى مش عاو الرسايل الخاصه حبعت واتكلم مع مين اصلا انا مش حاسس بنفسى يبقى حيبقى ليا نفس اكلم حد



وبعدين اللى انا كنت بدور عليه لقيته ويا خساره مافيش حاجه حلوه بتستمر ودايما عمرها قصير
خسرته اول ما لقيته وليه مش اعرف

نيس حقولك من الاخر بلاش تلميح فى الكلام
وانت الوحيد بقى اللى حيبقى فيه مراقبة ع رسايلك
ولو صدر منك اى حاجة تجاه البنات صدقنى ححذف عضويتك
واسف لانى قلتلك كده
بس دول بنات ناس وان كان عندى اخت مش حخلى حد يعمل معاها كده
ومتزعلش منى يا نيس بس فيه بنات حذرونى منك انت بالذات

لو فية بنات ياميدو اعذرني في الكلمة دي
يقولوا ليك اة ماشي او يقولوا للكل هنا
عشان بالطريقة دي اي حد ممكن يفهم
الكلام غلط وازا كان علي موضوع الرسايل
انتا عارف ان الرسايل بتاعتك مش بيشفها غيرك
يعني ميردوش او يردوا دي حاجة ترجعلهم مش ترجعلنا
.............................................................. NO COMMENT

اوكى يا احمد كل واحد حر فى رسايله
بس رسايل العضو بتجيلى
يعنى مين بعتها لمين
لكن مضمونها محدش يشوفه غيرهم الاتنين
بس ان نيس او غيره عملى اى مخالفة
او قل ادبه او حتى قال كلمة مش ممكن تتقال
صدقنى وربنا ححذف عضويته حتى لو كان نادر ابن عمى
لان محبش حد يقل ادبه او يسوق العبط عليا او على غيرى
وميرسى ليكوا
وبلاش كلام تانى فى الموضوع ده

بلاش كلام تاني في الموضوع دة ازاي بقي يعني
اولا انا مش بتكلم علي الرسايل لان اللي هيستقبل الرسايل
ممكن باسهل سهولة يمنعها انا مش بتكلم علي كدة انا بتكلم
علي اساس اني مش اعرف نيس وانتا كمان مش تعرفة من امبارح
عشان نصدق الكلام دة وانا فهمتك الموضوع وكمان بلاش تقول لاي حد
بجد اني اشيل عضوية لان نيس كمان من الموسسين ومن الاوائل اللي هنا في المنتدي معانا .................... عفوا بس دة ردي .......... انتا عارف قصدي انا مش بتكلم علي اي حاجة .................
تحياتي...................

مش حكاية اشيل عضوية ولا لا
بس بنات الناس مش لعبة يا حضرة المحامى
وانت بتهيالى ماترداش كده لبنت عمك لانك ماعندكش اخت اصلا يا احمد
وماتزعلش منى
نيس على عينى وراسى وماقدش انسى جمايله عليا فى لمنتدى بس برضه لازم انت وهو وغيرك تحترموا القوانين
وخاصة الاستاذ فوزى لانى شوفت كده كلمة كتبها بدل نيس فى توبك
والله والله لو اتكررت تانى ليكون فيه كلام تانى خالص
لانى مش بحب السفالة ولا السافلين
وميرسى يا احلى عضاء

ادام محاامي انا يبقي لازم اترافع بقي كل مرة
اولا ميدو احنا كلنا اصحاب هنا وانتا عارف ان نيس
او انا او اي مخلوق يقدر يقول في المنتدي عشان كلنا
اصحاب اما صدقني لو وصل الامر للطرد او الحذف هيبقي
شكلها بايخ اوي في حقنا وكمان محدش يقدر يقول لاي
بنت معانا هنا اي كلمة عشان بجد اللي معانا هنا كلهم
ناس محترمين اوي سواء كان ليهم اخوات بنات او لا
وكمان ياميدو بليز مش تقول تاني حكاية الطرد دي
عشان كدة بجد بتحسس الواحد ان المنتدي فية فروق بين الاعضاء
وبين اي مشرف او المدير نفسة ودة يبقي غلط
وكمان لو عايز تريح نفسك اقفل الرسايل وريح نفسك مكن دلوقتي
ولو حد عايز يتعرف علي حد يقولة في العام ويريح الكل
تقبل مروري تحياتي ...............

يا حمد انا زهقت منك والله
الموضوع بما فيه
انا عمرى ما اطرد حد الا اذا قل ادبه و قال كلمة وحشة او بمعنى اصح
عاكس البنات
والكلام ده انا قلته اكت من مرة
انا مش عامل المنتدى عشان تعليق وخفة دم وقلة ادب
انا عامله عشان نتعرف ونستفاد من بعض
وانا والله بحترم اقل واحد فيكم سنا وبعتبره قدى واكبر منى كمان
فزى مابقدركم يبقى برضه انتم لازم تقدروا
واخر كلامى فى الموضوع عشان انا زهقت والله من ده
انا حشغل الرسايل الخاصة ابتداء من النهاردة بس مش عايز اسمع شكاوى من حد
بليز يا جماعة وياريت نتعرف ع بعض باحترام وصداقة
بس انا كده خلصت كلامى
وماتعلقش يا احمد ومش زعلان من حد
اخرس بقى

حاضر يابابا