ممكن احلى اعضاء من اجمل منتدى المسااااااااااعدة

بصى يا ستى
عن النظام والله لحد الان مش عارف لان مرة يقولو
النظام زى ماهو سنتين ومرة يقولوا النظام سنة عشان السنة الفرق دى

بس على المذاكرة فنصيحة منى اوى اوى اوى اوى
على الاقل لما تاخدى الدرس لازم تذاكريه ولو تلت او نص ساعة بس
وبما انك مش واخدة دروس فده مش صح من وجهة نظرى
لان المدرسة مش بطلع كل حاجة وكمان لازم مساعدة
اما لو مش عايزة فبراحتك بس برضه اللى تخديه فى المدرسة لازم اول باول يتذاكر وزى ماقلتلك نص ساعة بكتيره خالص فى اول الدراسة
وبعد كل شهر كده حاولى تزودى النص ساعة
وتراجعى فى اخر كل شهر على اللى انتى ذاكرتيه طول الشهر ده
وشوية بشوية لما يقرب الامتحان حتحسى انك عارفة كل حاجة
فممكن تعيدى عليها مرة وتدخلى تحلى زى الفل


بس نصيحة منى بلاش استهتار وكفاية اللى شوفتيه السنة دى
وربنا معاكى يا عسل

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قصدى يعنى بلاش استهتار فى انك تقولى ياه ده لسه فاضل 6 شهور 7 شهور
ولما يجى الامتحان ربنا يفرجها

احنا اه كنا بنعمل كده بس ربنا سهللنا فى الامتحانات
بس اللى عمل كده السنة دى خرج من المولد بلاحمص

وكمان عشان تعرفى الثانوية صعب حد يعتمد على نفسه فيها فى المذاكرة
لانك بتدرسى المنهج المصرى يابنتى
مش الامريكى ولا حتى السعودى؟
وربنا يوفقك يا لؤلؤة

شكرا على نصيحتك الغالية اللى اكيد هعمل بيها ان شاء
وربنا ميحرمنيش من المنتدى واخواتى اللى فية

ربنا يوفقك يا لؤلؤة
بس الثانوية العامة عايزه قلب جامد شوية
لانها ضغط عصبى ونفسى على الطالب
لانه دايما بيبقى فى حالة توتر حتى لو مذاكر المنهج كله
انما لو بتسئلى على النظام الجديد
فاهوا مش هيطبق عليكى تقريبا
وهو نظام التقويم الشامل لان بيتهيقلى اى نظام علشان يطبق بيدرس الاول كويس اوى
انا سمعت من بابا او اللى فهمته منه انه هيطبق على الطلاب اللى هيدخلوا اولى ثانوى 2010
يعنى اللى هيدخولوا بعدكوا بسنة وان كمان اختى ادك ماتخفيش هو اساسا لو اتعمل هيبقى نظام فاشل
لان اللى ليه وسطة او معاه فلوس هو اللى هيدخل الكلية اللى عايزها
اما الناس التعبانه تعبهم هيضيع على الفاضى
وربنا يكرم ومايطبقش خالص

لا عمرى هيطبق عليا انا واختك لاننا لما نكون فى ثانوى عام هتبقى سنة 2010 احسبيها احنا السنة دى 2008
هبقى فى اولة ثانوى و2009 ثانية ثانوى 2010 ثانوية عامة حسب النظام الجديد وعلى فكرة دة هيطبق زى ما بقولك على اللى هيبقو ا فى ثانوية عامة 2010 يعنى علية وعلى اختك (ان لله راجون)
واية هو النظام بتاع التقويم الشامل دة و
اختك عملت اية فى السنة دى مستنية ردك

يا لؤلؤة على حسب كلام ده عمري النظام هيتطبق على اللي هيدخلوا ثانوية عامة 2010 يعني اللي هيبقوا في اولي في سنة 2010 مش انتوا انتوا النظام بتاعكم ماشي عادي سنتين بس

وربنا معااااااااااكي يا رب وانا كمان اختي في اولي ثانوي السنة دي

انا اللى فهما منة ان النظام هيطبق على اللى داخلين ثاثلثة ثانوى 2010
بس الباقى مش فاهمة منة حاجة

لا يا لؤلؤة هيطبق على اللي داخلين اولي ثانوي 2010 انتوا عديتوا المرحلة دي

يمكن نيو بس انا لسة برضة مفهمتش التقويم الشامل يعنى اية