السلام عليكم ورحمة الله وبركاته
هاى يا احلى اعضاء فى الدنيا
انا بكتب الموضوع ده بمناسبة
مرور 50 يوم على منتدى ميدو بيكهام
والله يا جماعة اللى انا شايفه فى المنتدى
ان 6 او 7 او بكتيره 10 خالص هما اللى شغالين على طول
والباقى كل فين وفين
وده ماينفعش خالص وكمان بنلاقى كل المساهمات
ردود تقليدية مثل شكرا وميرسى وربنا يوفقك
وكلام من ده فاحنا عايزين مناقشات وحوار مش رد والسلام
وكمان اللى انا شايفه ان الاعضاء بقت بتزيد عن ماكنا فى البداية
بس كله يا اما بيكتب موضوعات ومالهوش دعوة بالمساهمات
واما بيتفرج واما بيسجل عشان يحمل حاجة وخلاص
فاحنا عايزين مشتركين جداد
وممكن تساعدونى فى ده لان ده مش بايدى لوحدى
لان لسه المنتدى جديد وفى البداية ومحتاج ان الكل يعرفه
ويدخله ويعجبه
وانا اتكلمت مع اكتر الاعضاء وقالولى شغل هايل وربنا يوفقك
معنى كده لما اى حد حيدخل حيعجبه النظام ويشترك بس فى الاول والاخر هو مايعرفش عنوان المنتدى
فياريت تساعدونى وتعطوا المنتدى لكل اللى تعرفوه
صاحبك او صاحبتك جارك او جارتك اى حد معاك فى الكلية او المدرسة وكده يعنى
تالت حاجة من الكلام اللى عايز اقوله
اى واحد عنده شكوى او اقتراح لازم يقولى عليها عشان اراجع نفسى ع طول
وكمان عايز افكار جديدة من كل الاعضاء
ولا انتم مش عايزين تكبروا المنتدى؟
فى الاول والاخر ده مش منتدايا لوحدى وانتم عارفين كده
ده منتدانا كلنا بلا استثناء
فياريت نساعد بعض ونكبر المنتدى ده
رابع حاجة وهى الاهم
ياريت اى حد يعنى يحمل فيلم او كليب او اغنية
او ينقل موضوع لمنتدى تانى او عجبه الموضوع اصلا
مايبقاش بخيل ويحط رد
لانتم والله اعلم مش عارفين ان الواحد بيتعب قد ايه
عشان يعمل الشغل ده كله والله
والله انا فيه اوقات مابنمش باليومين عشان بعمل حاجات وكمان بنزل الجديد كله
وزى مانتم شايفين قبل اى منتدى كبير لقيت عندى
كل افلام الصيف اللى نزلت والبقية تاتى
وكمان كل الكيبات الجديدة والاغانى
كل شئ
فياريت ماتستبخلش برد تشكر فيه صاحب الموضوع ع الاقل
ده كل كلامى يا احلى اعضاء وياريت الكل يقراه ويقولى رايه
ويدينى شكاويه ومقترحاته وافكاره
وكمان لو عنده اى كلام عايز يقوله
ماعلش انا عارف انى طولت عليكم بس ماعلش
وميرسى ليكوااااااااااااااا كلكم