ادخل وشوف مصطلحات عمرك ماسمعتها فى حياتك

النظام العالمي الجديد
ويندوز اكس بي .
************************
الجات :
مصيبة وجات على دماغنا .
************************
التنوير :
عملية تتم في الشوارع عندما يسكنها وزير .
************************
صندوق النقد :
ما يفرقش كتير عن صندوق الزبالة .
************************
الخصخصة :
تحدث في الحدائق يوم شم النسيم مع أكل الفسيخ .
*************************
النظام الملكي :
عند وفاة الملك ينتقل الحكم لابنه ليصبح هو الملك الجديد ******************.
النظام الجمهوري :
عند وفاة الرئيس ينتقل الحكم لابنه ليصبح هو الرئيس
الجديد .
*******************
المبايعة :
ورقة بتكتبها لما تبيع عربية قديمة .
*************************
الدستور :
كلمة تقال للحماية من الآسياد لما الواحد يدخل بيت مسكون ؛
دستور يا اسيادي العفو و السماح .
***********************
الديموقراطية :
نوع من الفنون الزخرفية يستخدم لتزويق صورة الحكومة .
***********************
القانون :
آلة تصدر أصوات جميلة لما تلعب فيها بصوابعك .
************************
الحرية للجميع :
للشعب أن يقول ما يشاء ، وللحكومة أن تفعل ما تشاء .
*************************
حرية النشر :
تمارسها النساء على السطوح في المناطق الشعبية .
***********************
رأي المرأة :
ستات مصر قالوا كلمتهم ؛ النخلتين سمنتهم .
************************
الدبلوماسية :
أحسن هدية تصالح بيها مراتك ، بس بشرط الماس يكون حر .
***********************
العمل السياسي :
يمارسه كل من يعمل سايس في جراج .
***********************
السياسي المحنك :
رجل يتسم بسعة الصدر عند المناقشة ، وسعة الكرش فيما عدا
ذلك .
**********************

اليساري :
شخص طيب يقود سيارته على الجانب الأيسر من الطريق ويشتم كل
السواقين اللي جايين في وشه لأنهم عملاء الإمبريالية ويسيرون ضد الحتمية
التاريخية .
*********************

الصراع الطبقي :
خناقة كل بيت على مين اللي حيغسل الأطباق النهاردة .
**************************
الحرب الأهلية :
حرب البنت مع أهلها عشان تتجوز الواد اللي هي عايزاه .
********************

حرب الشوارع :
قيادة سيارة في شوارع القاهرة .
*************************

حرب التحرير :
معركة شهيرة يخوضها كل من يريد استخراج جواز سفر من مجمع
التحرير .
************************

العمل الثوري :
مذكر العمل البقري .
********************

الشريط الحدودي :
الشريط الجاي لعمرو دياب .
**********************

اليهود :
شعب يعيش على الأساطير ، يألفها في الأول ويصدقها بعد كده . يعني
بالعربي أسهل شعب ممكن يضحك عليه .
الله يرحم اللي ضحك عليهم مرتين .
***********************

الوحدة العربية :
أن تعاني كل دولة عربية الشعور بالوحدة .
************************

إعلان العرب للحرب :
يا مبارك اذهب أنت وشعبك فقاتلا ، إنا هاهنا قاعدون

ههههههههههههههه تحفه
موضوووووع جااااااااااامد أوي

ههههههههههههههههههه
توبك لذيذ اشطات عليكى
انتى بقالك يومين كده عاملة مواضيع زى الفل
يارب كده على طول وميرسى ليكى

اليومين دول كده بس يا ميدو
علشان امتحانى اللى جاى علم نفس
لكن بعد كده مش هدخل فترة علشان التاريخ
ميرسى ليكى يا أميرة انتى وميدو
وشكرا على مروركوا

ربنا يكرمك ويكرمنا كلنا
وماتقلقيش مافيش احلى من علم النفس
ومافيش اخف من دم الترايخ
بس التارخ عايز تركيز وحفظ اكتر
وربنا يوفقنا كلنا

ههههههههههههههههههههههههههههه
الخصخصة :
تحدث في الحدائق يوم شم النسيم مع أكل الفسيخ
هههههههههههههههههههههههههههههه

هههههههه
ايه رأيك يا نبيل؟؟؟؟
ولا كلمة
هههههههه
ميرسى على مرورك

الحرية للجميع :
للشعب أن يقول ما يشاء ، وللحكومة أن تفعل ما تشاء

احنا نقول اللى احنا عايزينه ،،، والحكومة المفروض متعملش اللى هيا عايزاه

اصلها بتعمل حجات مش كويسة يعنى .......

بيضربوا ضرب .........